ദമാം: എട്ടാം വർഷത്തിലേക്ക് കടക്കുന്ന സഊദി കെഎംസിസി ദേശീയതലത്തിൽ നടത്തുന്ന സുരക്ഷാ പദ്ധതി അൽഖോബാർ റാകയിൽ തുടക്കമായി. ഫ്രൈഡേ ക്രിക്കറ്റ് ക്ലബ്ബ് (എഫ്സിസി-തെക്കേപ്പുറം) ടീമംഗങ്ങളെ ചേർത്തുകൊണ്ട് റാക്ക ഏരിയ കമ്മിറ്റി പ്രസിഡൻറ് ഇഖ്ബാൽ ആനമങ്ങാട് ഉദ്ഘാടനം നിർവഹിച്ചു. അൽഖോബാർ സെൻട്രൽ കമ്മിറ്റി ജനറൽ സെക്രട്ടറി സിറാജ് ആലുവ സാമൂഹ്യ സുരക്ഷാ പദ്ധതി വിശദീകരിച്ചു.

    റാക്ക ഏരിയയിൽ നിന്നും 2020 വർഷ കാലയളവിൽ സുരക്ഷാപദ്ധതി അംഗങ്ങളായിരിക്കെ മരണപ്പെട്ട അബ്ദുൽ ജബ്ബാർ ആറ്റിങ്ങൽ, ഷെഫീഖ് പല്ലാരിമംഗലം എന്നിവരുടെ വേർപാടിൽ അനുശോചനം അർപ്പിച്ചു. സെൻട്രൽ കമ്മിറ്റി പ്രസിഡൻറ് സിദ്ദീഖ് പാണ്ടികശാല, സെക്രട്ടറി ഹബീബ് പൊയിൽതൊടി, ക്ലബ് മാനേജർ നാസിക്, ക്ലബ്ബ് അംഗങ്ങളായ മുബാറക്ക് കുറ്റിച്ചിറ, മുനീഷ്, റഹദ്, ശർനൂബ്, നിഷാദ് എന്നിവർ സംബന്ധിച്ചു.