ചേര്‍ത്തല :കാലപഴക്കം മൂലം തകര്‍ന്നു വീണ ഹോര്‍ുസ് മലബാറിക്കൂസ് ഗ്രന്ഥകര്‍ത്താവ് കടക്കരപ്പള്ളി ഇട്ടി അച്യുതന്‍ വൈദ്യരുടെ ജന്മഗൃഹം പുനര്‍നിര്‍മിക്കാന്‍ നടപടി തുടങ്ങി.
സര്‍ക്കാരിന്റെ ആലപ്പുഴ പൈതൃക പദ്ധതിയില്‍ ഉള്‍പ്പെടുത്തിയാണ് ഇത് നടപ്പാക്കുന്നത്. ചെന്നൈയില്‍ നിന്നുമെത്തിയ ആര്‍ക്കിടെക്ചര്‍മാരായ എസ്.തമിഴരശന്‍, എ.ശരവണന്‍ എന്നിവരാണ് തകര്‍ന്നു വീണ കെട്ടിടത്തിന്റെ രൂപരേഖ തയ്യാറാക്കിയത്. പഴയ കെട്ടിടത്തിന്റെ അളവുകള്‍ പ്രകാരം എസ്റ്റിമേറ്റും സ്‌കെച്ചും തയ്യാറാക്കി. തുടര്‍ന്ന് വൈദ്യരുടെ കുര്യാലയുടെയും സ്‌കെച്ച് തയ്യാറാക്കി. തൈക്കലില്‍ മണ്ണിനടിയില്‍ കണ്ടെത്തിയ പായ് കപ്പലിന്റെ സ്ഥലവും സന്ദര്‍ശിച്ചു.