അത്തോളി: പെണ്‍കുട്ടിയെ വിവാഹവാഗ്ദാനം ചെയ്ത് പീഡിപ്പിച്ച് ഗര്‍ഭിണിയാക്കിയ യുവാവിനെ അത്തോളി പൊലിസ് അറസ്റ്റ് ചെയ്തു. ആലപ്പുഴ പുന്നപ്ര സ്വദേശി ജിജോ എന്ന പ്രിയേഷാണു പിടിയിലായത്. ഫേസ്ബുക്കിലൂടെ പരിചയപ്പെട്ട പെണ്‍കുട്ടിയെ അത്തോളിയില്‍ ആളൊഴിഞ്ഞ വീട്ടില്‍ വച്ചും പുന്നപ്രയിലെ വീട്ടില്‍ വച്ചും വിവാഹവാഗ്ദാനം ചെയ്ത് പീഡിപ്പിച്ചതായും ഗര്‍ഭിണിയായതിനെ തുടര്‍ന്ന് ഉപേക്ഷിക്കുകയായിരുന്നുവെന്നാണ് പരാതി.സെഷന്‍സ് കോടതി പതിനാലു ദിവസത്തേക്ക് റിമാന്‍ഡ് ചെയ്തു. എസ്.ഐ പ്രശാന്ത്, എ.എസ്.ഐ രഘു എന്നിവരാണ് അന്വേഷണത്തിനു നേതൃത്വം നല്‍കിയത്.