ല@ണ്ടന്‍: യൂറോപ്പ ലീഗ് കിരീടം സ്വന്തമാക്കിയതിന് ശേഷം മൗറീഷ്യോ സാരി ചെല്‍സി വിടാനൊരുങ്ങുന്നു. ഇറ്റാലിയന്‍ ചാംപ്യന്‍മാരായ യുവന്റസിലേക്കാണ് സാരി മാറുന്നതെന്നാണ് റിപ്പോര്‍ട്ടുകള്‍. തന്റെ കരാര്‍ അവസാനിപ്പിക്കാന്‍ സാരി ഇംഗ്ലീഷ് പ്രീമിയര്‍ ലീഗ് ടീം ചെല്‍സിയോട് ആവശ്യപ്പെട്ടിട്ടുണ്ട്. 60കാരനായ സാരി യുവന്റസുമായി കരാറിലെത്തിയതായാണ് സൂചന. യുവന്റസുമായുള്ള കരാര്‍ ധാരണയായതിന്റെ പശ്ചാത്തലത്തില്‍ സാരിയുടെ ഏജന്റ് ഫാലി റമാദാനി കഴിഞ്ഞ ദിവസം ചെല്‍സി മാനേജ്‌മെന്റുമായി ചര്‍ച്ച നടത്തിയിരുന്നു. തന്റെ ഭാവി സംബന്ധിച്ച് തീരുമാനമെടുക്കുന്നതിന് യൂറോപ്പ ലീഗ് ഫൈനല്‍ കഴിയുന്നതുവരെ കാത്തിരിക്കുകയായിരുന്നു സാരി. ഏഴ് മില്യന്‍ ഡോളറിന്റെ കരാറാണ് യുവന്റസ് സാരിക്ക് വാഗ്ദാനം ചെയ്തിരിക്കുന്നത്. കരാറിനെക്കുറിച്ച് സാരിയുടെ ഏജന്റ് ചെല്‍സി അധികൃതരെ ധരിപ്പിച്ചിട്ടു@ണ്ട്. സാരി ക്ലബ് വിടുന്നതിനുമുന്‍പ് പുതിയ പരിശീലകനെ കണ്ടെ@ത്താനുള്ള ശ്രമത്തിലാണ് ചെല്‍സി. മുന്‍ ചെല്‍സി താരവും ഇപ്പോള്‍ ഡെര്‍ബി കൗണ്ട@ി കോച്ചുമായ ഫ്രാങ്ക് ലംപാര്‍ഡിനെ സാരിയുടെ പിന്‍ഗാമിയായി പരിഗണിക്കുന്നതായി റിപ്പോര്‍ട്ടു@ണ്ടായിരുന്നെങ്കിലും ലംപാര്‍ഡ് ഇക്കാര്യം നിഷേധിച്ചിരുന്നു. സാരിക്ക് പകരം ആരാണെന്ന് അറിയാന്‍ കാത്തിരിക്കുകയാണ് ഫുട്‌ബോള്‍ ലോകം.