വടകര: 'ജീവജലം സര്‍വമയം' എന്നപേരില്‍ വടകരയുടെ കുടിവെള്ളക്ഷാമത്തിന് പരിഹാരമായി സസ്യഭാരതി ഉസ്താദ് വൈദ്യര്‍ ഹംസ മടിക്കൈ നടപ്പാക്കുന്ന സൗജന്യ കുടിവെള്ള പദ്ധതിയുടെയും നിര്‍ധന കുടുംബത്തിനു നിര്‍മിച്ചു നല്‍കുന്ന  കിണറിന്റെയും ഉദ്ഘാടനം
സിനിമാതാരം ദേവന്‍ നിര്‍വഹിച്ചു. 'ജീവജലം സര്‍വമയം' എന്നപേരില്‍ വടകര നിയോജക മണ്ഡലത്തിലെ എല്ലാ പ്രദേശങ്ങളിലും സൗജന്യമായി കുടിവെള്ളം എത്തിക്കുന്ന പദ്ധതിയും നടപ്പാക്കുന്നുണ്ട്.
ഉദ്ഘാടന പരിപാടിയില്‍ മുന്‍ എം.പി പി. സതീദേവി അധ്യക്ഷയായി. പ്രൊഫ. ശോഭീന്ദ്രന്‍, ബിനീഷ് കോടിയേരി, ശ്യാം ജി മേനോന്‍, കെ. കിഷോര്‍, കെ. ജസീല, ആര്‍.കെ നിഷ, വടയക്കണ്ടി നാരായണന്‍, ശശീന്ദ്രന്‍ മടിക്കൈ, പി.എം അശോകന്‍, ഡോ. സിനുറാസ്, ലിസിന പ്രകാശ്, പി.കെ അബ്ദുല്ല, എ.കെ ദേവരാജന്‍, കെ. കൃഷ്ണന്‍, ആദര്‍ശ് അശോക് സംസാരിച്ചു.