ബെയ്ജിങ്: ചൈനയിലെ വന്യജീവി പാര്‍ക്കില്‍ കാറില്‍ നിന്നിറങ്ങിയ സ്ത്രീയെ സൈബീരിയന്‍ കടുവ ആക്രമിച്ച് കൊലപ്പെടുത്തി. ആക്രമണത്തിനിരയായ യുവതിയെ രക്ഷിക്കാന്‍ ശ്രമിച്ച സ്ത്രീയെയാണ് മറ്റൊരു കടുവ ആക്രമിച്ച് കൊലപ്പെടുത്തിയത്.
ബെയ്ജിങ് ബദാലിങ് വന്യജീവി പാര്‍ക്കിലാണ് സംഭവം. വാഹനത്തില്‍ നിന്ന് പുറത്തിറങ്ങരുതെന്ന് കര്‍ശന നിര്‍ദേശം നല്‍കിയിരുന്നു. എന്നാല്‍ ഇത് പാലിക്കാതെ പുറത്തിറങ്ങിയതാണ് അപകടമുണ്ടാക്കാന്‍ കാരണമായത്. ആദ്യം കാറില്‍ നിന്നിറങ്ങിയ സ്ത്രീക്ക് ഗുരുതരമായി പരുക്കേറ്റു. വാഹനത്തില്‍ ഉണ്ടായിരുന്ന മറ്റൊരു യുവതിയും യുവാവും പുറത്തിറങ്ങിയവരെ രക്ഷിക്കാന്‍ ശ്രമിച്ചെങ്കിലും നടന്നില്ല.
ഇവര്‍ പരുക്കേല്‍ക്കാതെ രക്ഷപ്പെട്ടു. ആക്രമണത്തിന്റെ ദൃശ്യങ്ങള്‍ സി.സി.ടി.വിയില്‍ പതിഞ്ഞിട്ടുണ്ട്. കടുവ സ്ത്രീയെ വനത്തിനുള്ളിലേക്ക് വലിച്ചിഴച്ചു കൊണ്ടുപോകുന്നത് ദൃശ്യങ്ങളില്‍ കാണാം. ആക്രമണത്തിന്റെ തൊട്ടടുത്ത നിമിഷം തന്നെ ഫോറസ്റ്റ് റേഞ്ചര്‍മാര്‍ ഇടപെട്ടുവെങ്കിലും സ്ത്രീയെ രക്ഷിക്കാന്‍ സാധിച്ചില്ല.