കൊയിലാണ്ടി: ജാമിഅ ദാറുസ്സലാം നന്തിയുടെ അഫിലിയേഷന്‍ കോളജായി കൊല്ലം പാറപ്പള്ളിയില്‍ തമീമുല്‍ അന്‍സാരി തഹ്ഫീളുല്‍ ഖുര്‍ആന്‍ കോളജും ജുമുഅത്ത് പള്ളിയില്‍ തമീമുല്‍ അന്‍സാരി ദഅ്‌വാ കോളജും ആരംഭിക്കുന്നു.
പാറപ്പള്ളി ഉറൂസിന്റെ സമാപന വേദിയില്‍ സമസ്ത മുശാവറ അംഗം എ.വി അബ്ദുറഹ്മാന്‍ മുസ്‌ലിയാര്‍ പദ്ധതി പ്രഖ്യാപനം നടത്തി. മഹല്ല് പ്രസിഡന്റ് സിദ്ദീക്ക് കൂട്ടുംമുഖം അധ്യക്ഷനായി.
കൊയിലാണ്ടി ഖാസി ടി.കെ മുഹമ്മദ് കുട്ടി മുസ്‌ലിയാര്‍, കൊല്ലം ഖാസി അബ്ദുല്‍ കരീം ദാരിമി, പുറക്കാട് ഖാസി ഇ.കെ അബൂബക്കര്‍ മുസ്‌ലിയാര്‍, ബഷീര്‍ ദാരിമി, അഹമ്മദ് ദാരിമി, ഗഫൂര്‍ മരുതംകണ്ടി, അന്‍സാര്‍ കൊല്ലം സംസാരിച്ചു. കഴിഞ്ഞ ദിവസം നടന്ന ഹജ്ജ് ക്യാംപില്‍ സക്കരിയ ഫൈസി ക്ലാസെടുത്തു.
 രാത്രി സ്വാലിഹ് ഫൈസി പ്രഭാഷണം നടത്തി.  ഈ മാസം 25 ന് ക്ലാസുകള്‍ ആരംഭിക്കും.