നാദാപുരം: കിണര്‍ വൃത്തിയാക്കാനിറങ്ങിയ വിദ്യാര്‍ഥികള്‍ കുടുങ്ങി. അഗ്നിശമന സേന എത്തിയാണ് വിദ്യാര്‍ഥികളെ രക്ഷപ്പെടുത്തിയത്. ഇന്നലെ ഉച്ചയോടെ കുമ്മങ്കോട്ടെ വലിയ പിടികയില്‍ മഹ്ഷൂക്ക് (17), ചിറക്കല്‍ ഷഹീര്‍ (17) എന്നിവരാണ് അപകടത്തില്‍പ്പെട്ടത്.
നാദാപുരം  പുഷ്പ ഗ്യാസ്  ഗോഡൗണിനു സമീപത്തെ മേപ്പള്ളി അലിമയുടെ വീട്ടിലെ കിണര്‍ വൃത്തിയാക്കാന്‍ ഇറങ്ങിയതായിരുന്നു. കിണര്‍ വൃത്തിയാക്കിയ ശേഷം കരയ്ക്കു കയറാനുള്ള ശ്രമത്തിനിടെ കൈകള്‍ തളര്‍ന്നു കിണറ്റില്‍ വീഴുകയായിരുന്നു.
തുടര്‍ന്ന് ചേലക്കാട്ടു നിന്ന് ഫയര്‍മാനായ കെ.കെ ബൈജുവിന്റെ നേതൃത്വത്തിലെത്തിയ അഗ്നിശമന സേന രക്ഷപ്പെടുത്തുകയായിരുന്നു. സേനാംഗങ്ങളായ വിനീത്, അഭിലാഷ്, ദിനേഷ്, കെ.പി വിനോദന്‍, സദാനന്ദന്‍, മുരളീധരന്‍, രഘുനാഥ്, ബിജിത്ത് എന്നിവരും രക്ഷാപ്രവര്‍ത്തനത്തില്‍ പങ്കെടുത്തു.