തിരുവനന്തപുരം: പ്രളയദുരന്തത്തില്‍ കേരളാ പൊലിസ് നടത്തിയ രക്ഷാപ്രവര്‍ത്തനങ്ങള്‍ക്ക് സ്‌കോച്ചിന്റെ സുവര്‍ണ പുരസ്‌കാരം. കൂടാതെ കേരളാ പൊലിസിന്റെ പദ്ധതികളായ സ്റ്റുഡന്റ് പൊലിസ് കേഡറ്റ്, ഹോപ്പ് പദ്ധതി, പിങ്ക് പൊലിസ് പട്രോള്‍ എന്നിവയ്ക്ക് സ്‌കോച്ച് മെരിറ്റ് അവാര്‍ഡും ലഭിച്ചു. ഡല്‍ഹിയില്‍ നടന്ന ചടങ്ങില്‍ സംസ്ഥാന പൊലിസ് മേധാവിക്കുവേണ്ടി എ.ഡി.ജി.പി അനില്‍ കാന്ത് അവാര്‍ഡ് ഏറ്റുവാങ്ങി.2003ല്‍ സ്ഥാപിതമായ സ്‌കോച്ച് പുരസ്‌കാരം, ഒരു സ്വതന്ത്ര സംഘടന നല്‍കുന്ന രാജ്യത്തെ ഏറ്റവും ഉയര്‍ന്ന സിവിലിയന്‍ ബഹുമതിയാണ്.