പത്തനംതിട്ട: മക്കള്‍ക്ക് പൊലിസില്‍ ജോലി വാഗ്ദാനം ചെയ്ത് വീട്ടമ്മയില്‍ നിന്ന് ഏഴര ലക്ഷം രൂപ തട്ടിയെടുത്തതിന് മുന്‍ പൊലിസ് ഓഫിസറെ പന്തളം പൊലിസ് അറസ്റ്റ് ചെയ്തു. പാറശാല പരശുവയല്‍ ആനന്ദമന്ദിരത്തില്‍ പ്രസന്നകുമാര്‍ (57) ആണ് പിടിയിലായത്.
പന്തളം കുരമ്പാല നെല്ലിക്കാത്തുണ്ടില്‍ തെക്കേതില്‍ ലില്ലിയുടെ പരാതിയിലാണ് അറസ്റ്റ്. കേരള പൊലിസ് അടൂര്‍ ബറ്റാലിയനില്‍ ഓഫിസര്‍ ഇന്‍ ചാര്‍ജ് ആയിരുന്ന ഇയാള്‍ക്ക് 2014 സെപ്റ്റംബര്‍ 24 നാണ് പണം നല്‍കിയത്. ജോലി ലഭിക്കാതായതിനേ തുടര്‍ന്ന് ലില്ലി പണം തിരികെ ആവശ്യപ്പെട്ടപ്പോള്‍ 30,000 രൂപയുടെ വണ്ടിച്ചെക്കും ബ്ലാങ്ക് ചെക്കും നല്‍കി യെന്നാണ് പരാതി.