ലണ്ട@ന്‍: യൂര്‍ഗന്‍ ക്ലോപ്പ് ലിവര്‍പൂള്‍ വിടുമെന്ന അഭ്യൂഹത്തിന് വിരമമായി. കഴിഞ്ഞ ദിവസം ക്ലോപ്പ് തന്നെയാണ് ഇക്കാര്യത്തില്‍ സ്ഥിരീകരണവുമായി രംഗത്തെത്തിയത്.

ചാംപ്യന്‍സ് ലീഗ് കിരീടം നേടിയ ലിവര്‍പൂളുമായി നീ@ണ്ടകാലത്തെ കരാറാണുള്ളതെന്നും ആന്‍ഫീല്‍ഡ് വിട്ട് എങ്ങോട്ടുമില്ലെന്നുമാണ് ക്ലോപ്പ് വ്യക്തമാക്കിയത്. ഇതോടെ ക്ലോപ്പിനെ സ്വന്തമാക്കാന്‍ ബയേണ്‍ മ്യൂണിക്ക് ശ്രമം നടത്തുന്നുവെന്ന പ്രചാരണത്തിന് അവസാനമായി.
ചാംപ്യന്‍സ് ലീഗ് കിരീട നേട്ടത്തിന് പിന്നാലെയായിരുന്നു ക്ലോപ്പ് സ്വന്തം നാട്ടിലേക്ക് മടങ്ങുമെന്ന തരത്തില്‍ വാര്‍ത്തകള്‍ പ്രചരിച്ചത്. ക്ലോപ്പ് ജര്‍മനിയില്‍ തിരിച്ചെത്തുന്നത് സന്തോഷകരമായിരിക്കുമെന്നാണ് ബയേണിന്റെ ഇതിഹാസ താരമായിരുന്ന ഫ്രന്‍സ് ബെക്കന്‍ബോവര്‍ അഭിപ്രായപ്പെട്ടത്.