ദോഹ: ഫിഫ ക്ലബ് ലോകകപ്പ് ഖത്തറില്‍. അടുത്ത രണ്ട് സീസണുകളിലെയും ക്ലബ് ലോകകപ്പിന് ഖത്തര്‍ ആതിഥ്യം വഹിക്കുമെന്ന് ഫിഫ അറിയിച്ചു. 2022 ലോകകപ്പിന് മുന്നോടിയായാണ് അടുത്ത രണ്ട് ഫിഫ ക്ലബ് ലോകകപ്പും ഖത്തറില്‍ നടത്താന്‍ ഫിഫ തീരുമാനിച്ചത്. ഡിസംബറിലാകും രണ്ട് സീസണിലെയും ടൂര്‍ണമെന്റ് നടക്കുക.
കഴിഞ്ഞ വര്‍ഷം യു.എ.ഇ ആയിരുന്നു ക്ലബ് ലോകകപ്പിന് ആതിഥ്യം വഹിച്ചത്. ഏഴു ക്ലബുകള്‍ ടൂര്‍ണമെന്റിന്റെ ഭാഗമാകും. യുവേഫ ചാംപ്യന്‍സ് ലീഗ് ജേതാക്കളായ ലിവര്‍പൂള്‍ അടുത്ത ക്ലബ് ലോകകപ്പില്‍ പങ്കെടുക്കും. ആതിഥേയരെ പ്രതിനിധീകരിച്ച് സാവി പരിശീലിപ്പിക്കുന്ന അല്‍ സാദ് ക്ലബും ടൂര്‍ണമെന്റില്‍ പങ്കെടുക്കും.