കാസര്‍കോട്: ഹയര്‍ സെക്കന്‍ഡറി വിദ്യാഭ്യാസ വകുപ്പ് നാഷനല്‍ സര്‍വിസ് സ്‌കീമിന്റെ നേതൃത്വത്തില്‍ പരിസ്ഥിതി ദിനാഘോഷത്തിന്റെ സംസ്ഥാനതല ഉദ്ഘാടനം ഇന്ന് രാവിലെ 9.30ന് നീലേശ്വരം കോണ്‍വെന്റ് ജങ്ഷനില്‍ നടക്കും. റവന്യൂ മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്യും. എം.രാജഗോപാലന്‍ എം.എല്‍.എ അധ്യക്ഷനാകും.
എന്‍.എസ്.എസ് റീജ്യനല്‍ ഡയരക്ടര്‍ ജി.പി സജിത് ബാബു പരിസ്ഥിതിദിന സന്ദേശം കൈമാറും. എന്‍.എസ്.എസ് സ്റ്റേറ്റ് കോ-ഓര്‍ഡിനേറ്റര്‍ ഡോ. ജേക്കബ് ജോണ്‍ മുഖ്യപ്രഭാഷണം നടത്തും. പരിസ്ഥിതി ദിനാഘോഷത്തിന്റെ ഭാഗമായി വിപുലമായ പരിപാടികളാണ് നീലേശ്വരം നഗരസഭയില്‍ സംഘടിപ്പിക്കുന്നത്. പരിസ്ഥിതി ബോധവല്‍ക്കരണ റാലി നടത്തും. 10 കിലോമീറ്റര്‍ ഫലവൃക്ഷത്തൈകള്‍ നട്ടുപിടിപ്പിക്കും.