പാരിസ്: പരിശീലക വേഷത്തില്‍ വീണ്ടും ഉടന്‍ തിരിച്ചെത്തുമെന്ന് മുന്‍ റയല്‍മാഡ്രിഡ് പരിശീലകന്‍ സിനദീന്‍ സിദാന്‍. റയല്‍ മാഡ്രിഡില്‍ നിന്ന് വിരമിച്ചതിന് ശേഷം ഒരു ക്ലബുമായും സിദാന്‍ കരാറിലെത്തിയിരുന്നില്ല. ഈ സീസണ്‍ അവസാനത്തോടെ സിദാന്‍ മൗറീഞ്ഞോക്ക് പകരക്കാരനായി ഇംഗ്ലണ്ടണ്ടിലേക്ക് എത്തും എന്ന വാര്‍ത്തകള്‍ക്ക് ഇടയിലാണ് സിദാന്റെ പ്രസ്താവന എന്നത് ശ്രദ്ധേയമാണ്.
2016 ല്‍ ബെനിറ്റസിന്റെ പകരക്കാരനായി റയല്‍ പരിശീലക സ്ഥാനം ഏറ്റെടുത്ത സിദാന്‍ തുടര്‍ച്ചയായി മൂന്ന് ചാംപ്യന്‍സ് ലീഗ് കിരീടം നേടി ചരിത്രം സൃഷ്ടിച്ചിരുന്നു. റയലിനൊപ്പം ലാ ലീഗ കിരീടവും സിദാന്‍ സ്വന്തമാക്കിയിട്ടുണ്ട്.