പെരിങ്ങത്തൂര്‍: പുല്ലൂക്കര പാലോറത്ത് ശാഖ യൂത്ത് ലീഗ് കമ്മിറ്റിയുടെ ആഭിമുഖ്യത്തില്‍ എസ്.എസ്.എല്‍.സി പരീക്ഷയില്‍ ഉന്നത വിജയം കരസ്ഥമാക്കിയ വിദ്യാര്‍ഥികളെ അനുമോദിച്ചു. പാനൂര്‍ നഗരസഭ സ്റ്റാന്‍ഡിങ് കമ്മിറ്റി ചെയര്‍മാന്‍ ഇ.എ നാസര്‍ യോഗം ഉദ്ഘാടനം ചെയ്തു. കണിയാകണ്ടി മൂസ വിദ്യാര്‍ഥികള്‍ക്ക് ഉപഹാരം നല്‍കി. മൂസ പരിപ്പുമ്മല്‍ അധ്യക്ഷനായി. സി.കെ നജാഫ്, പി.കെ മുസ്തഫ, നൗഷാദ് അണിയാരം, ഫാറൂഖ് പാലോറത്ത്, അവിയാട്ട് സൂപ്പി, കെ. അലി, മഹമൂദ് സംസാരിച്ചു.
അണിയാരത്ത് എം.എസ്.എഫ് കമ്മിറ്റിയുടെ ആഭിമുഖ്യത്തില്‍ മുഴുവന്‍ വിഷയങ്ങളിലും എപ്ലസ് നേടിയ വിദ്യാര്‍ഥിനിയെ അനുമോദിച്ചു. ത്യപ്രങ്ങോട്ടൂര്‍ പഞ്ചായത്ത് പ്രസിഡന്റ് കാട്ടൂര്‍ മഹമൂദ് ഉപഹാരം നല്‍കി. ടി.കെ ഹനീഫ്, കുറുവാളി മമ്മു ഹാജി, കെ.ടി ഖാദര്‍, ഡോ. സി അബൂബക്കര്‍, മുകുന്ദന്‍ പുലരി, കെ.പി കാദു, കെ.പി അബ്ദുള്ള, വി.പി അഷ്‌റഫ്, മഹേഷ് കൊളോറ, എന്‍. ശബല്‍, സി.എച്ച് ഷഹനാഫ് സംസാരിച്ചു.