ചൊക്ലി: കേരളത്തില്‍ ആര്‍.എസ്.എസിനെ ശക്തിപ്പെടുത്തുക എന്ന ലക്ഷ്യത്തോടെ എം.പിമാര്‍ ഉള്‍പ്പെടെയുള്ള കേന്ദ്ര നേതാക്കളെ ആര്‍.എസ്.എസ് നിയോഗിച്ചിരിക്കുകയാണെന്നും കേരളത്തിലെ മതനിരപേക്ഷത തകര്‍ക്കാനുള്ള ആര്‍.എസ്.എസ് ശ്രമം ജനങ്ങള്‍ ഒന്നിച്ചു നിന്നുചെറുത്തു തോല്‍പിക്കണമെന്നും സി.പി.എം കേന്ദ്ര കമ്മിറ്റിയംഗം പി.കെ ശ്രീമതി എം.പി പറഞ്ഞു. സിപിഎം ജില്ലാ കമ്മിറ്റി സംഘടിപ്പിക്കുന്ന തെക്കന്‍ മേഖല പ്രചാരണ ജാഥ ചൊക്ലിയില്‍ ഉദ്ഘാടനം ചെയ്തു സംസാരിക്കുകയായിരുന്നു ശ്രീമതി. കെ.കെ പവിത്രന്‍ അധ്യക്ഷനായി. സി.പി.എം സംസ്ഥാന കമ്മിറ്റിയംഗം കെ.കെ രാഗേഷ് എം.പി ലീഡറായും കെ.എം ജോസഫ്, എം. സുരേന്ദ്രന്‍, എം.വി സരള, മുഹമ്മദ് അഫ്‌സല്‍, പി.കെ മോഹനന്‍ ജാഥാംഗങ്ങളുമായി ആരംഭിച്ച പ്രചാരണ ജാഥ 18ന് മട്ടന്നൂരില്‍ സമാപിക്കും.