ഇരിട്ടി: പൊതു വിദ്യാലയങ്ങളെ മികവുറ്റതാക്കുക എന്ന ലക്ഷ്യത്തോടെ സര്‍വശിക്ഷാ അഭിയാന്‍ കണ്ണൂരും ബി.ആര്‍.സി ഇരിക്കൂറും ചേര്‍ന്ന് സംഘടിപ്പിക്കുന്ന ഇരിക്കൂര്‍ നിയോജകമണ്ഡലതല പ്രതിഭോത്സവം നാളെമുതല്‍ അഞ്ചുദിവസം വയത്തൂര്‍ യു.പി സ്‌കൂളില്‍ നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
വയത്തൂര്‍ യു.പി സ്‌കൂളിലെ ആറ്, ഏഴ് ക്ലാസുകളിലെ നാല്പതോളം വിദ്യാര്‍ഥികളാണ് പങ്കെടുക്കുക.
ചിത്രം, ഗണിതം, ശാസ്ത്രം, അഭിനയം, ശില്‍പ നിര്‍മാണം, ആലാപനം, സാഹിതീയം, പ്രഭാഷണം, താളം എന്നീ വ്യത്യസ്ത മേഖലകളാണ് ഈ അവധിക്കാല ക്യാംപി
ല്‍ ഉള്‍പ്പെടുത്തിയിരിക്കുന്നത്. ഓരോ മേഖലയിലും കുട്ടികള്‍ക്കുള്ള കഴിവുകള്‍ കണ്ടെത്തി തുടര്‍ പ്രവര്‍ത്തനം ആസൂത്രണം ചെയ്യുകയും ഓരോ കുട്ടിയുടെയും മികവ് ഉയര്‍ത്തിക്കൊണ്ടുവരികയുമാണ് ക്യാംപിന്റെ ലക്ഷ്യം.
വാര്‍ത്താസമ്മേളനത്തില്‍ പ്രധാനാധ്യാപകന്‍ ടി.ജെ. ജോസ്, പി.ടി.എ പ്രസിഡന്റ് ആര്‍. സുജി പങ്കെടുത്തു.