കൊച്ചി: അസോസിയേഷന്‍ ഓഫ് ചാര്‍ട്ടേഡ് സര്‍ട്ടിഫൈഡ് അക്കൗണ്ടന്‍സ്-അസോസിയേഷന്‍ ഓഫ് ചാര്‍ട്ടേഡ് സര്‍ട്ടിഫൈഡ് അക്കൗണ്ടന്‍സ് ഓഫ് യു.കെ ഇന്റര്‍നാഷനല്‍ സ്‌കില്‍ ഡവലപ്‌മെന്റ് കോര്‍പറേഷനുമായി ചേര്‍ന്നു കേരളത്തില്‍ നേരിട്ടുള്ള ഒന്‍പത് പരിശീലനകേന്ദ്രങ്ങള്‍ ആരംഭിക്കുമെന്ന് ഐ.എസ്.ഡി.സി അക്കാദമിക് റിലേഷന്‍സ് ഡയരക്ടര്‍ വേണുഗോപാല്‍ വി മേനോനും ഐ.എസ്.ഡി.സി കീ പ്രോജക്ട്‌സ് ഡയരക്ടര്‍ ബ്രാഡ്‌ലി എമേഴ്‌സണും പറഞ്ഞു.

ഇന്ത്യയില്‍ ഈ അധ്യയനവര്‍ഷം 30 പരിശീലന കേന്ദ്രങ്ങളാണ് ആരംഭിക്കുക. കേരളത്തിലെ ആദ്യ ഐ.എസ്.ഡി.എ നേരിട്ടുള്ള പരിശീലനകേന്ദ്രം കൊച്ചിയില്‍ ലൂസിയ റീല്‍ മാര്‍ട്ടിന്‍ ഉദ്ഘാടനം ചെയ്തു.

അടുത്ത മൂന്നുവര്‍ഷത്തിനുള്ളില്‍ പരിശീലന കേന്ദ്രങ്ങളുടെ എണ്ണം 100 ആയി ഉയര്‍ത്തും.  എല്ലാ ഐ.എസ്.ഡി.സി ഡയരക്ട് പരിശീലന കേന്ദ്രങ്ങളും എ.സി.സി.എയുടെ അംഗീകൃത പരിശീലന പങ്കാളിയും കംപ്യൂട്ടര്‍ അധിഷ്ഠിത പരീക്ഷാകേന്ദ്രവും ആയിരിക്കും.
അക്കൗണ്ടന്റ് വിദ്യാര്‍ഥികള്‍ക്ക് ഏകീകൃത നിലവാരത്തിലുള്ള പരിശീലനം കുറഞ്ഞ ചെലവില്‍ നല്‍കാന്‍ എ.സി.സി.എയും ഐ.എസ്.ഡി.സിയുമായുള്ള പങ്കാളിത്തം സഹായകരമാകുമെന്നു ഇരുവരും വ്യക്തമാക്കി.