ആനക്കര: സ്‌കൂള്‍ പരിസരങ്ങള്‍ മയക്കുമരുന്ന് ലോബികള്‍ വ്യാപകമായി കയ്യിലെടുക്കുന്നു. ജില്ലയിലെ പടിഞ്ഞാറന്‍ മേഖലയിലെ പ്രാധാന ഹയര്‍ സെക്കന്‍ഡറി സ്‌കൂള്‍ പരിസരങ്ങളില്‍ രഹസ്യമായി മയക്കുമരുന്ന് ലോബികള്‍ സജീവമായതായാണ് ലഭിക്കുന്ന സൂചനകള്‍.
മിക്ക സ്‌കൂളിലെയും മുതിര്‍ന്ന കുട്ടികളെ അറിയുന്ന സംഘമാണ് ഇതിന്റെ കണ്ണിയായി പ്രവര്‍ത്തിക്കുന്നത്. കുമരനെല്ലൂര്‍, തൃത്താല, ചാലിശ്ശേരി, ചാത്തനൂര്‍, ഹൈസ്‌ക്കൂളുകളെ ചുറ്റിപ്പറ്റിയാണ് പ്രാധാനമായും ഈ ലോബികള്‍ കറങ്ങുന്നത്.
ഇതില്‍ തന്നെ കുമരനെല്ലൂര്‍ ഹൈസ്‌കൂളിനെയാണ് സംഘം പ്രധാനമായി ഉന്നം വെയ്ക്കുന്നത്. സ്‌കൂളുകളിലെ ഒറ്റപ്പെട്ട ഭാഗങ്ങളിലെ ചില ഇടുങ്ങിയ വഴികളിലൂടെയാണ് മയക്കുമരുന്നു കച്ചവടം നടക്കുന്നത്.