കോഡൂര്‍:'കുട്ടികളോടൊത്തുകൂടാം വൃത്തിയുള്ള ലോകമൊരുക്കാം' എന്ന സന്ദേശത്തില്‍ കോഡൂര്‍ പഞ്ചായത്തില്‍ ഗ്രീഷ്‌മോത്സവം ആരംഭിച്ചു. സംസ്ഥാന ശുചിത്വമിഷന്റെ 'എന്റെ മാലിന്യം എന്റെ ഉത്തരവാദിത്വം' എന്നനയം വിദ്യാര്‍ഥികളിലെത്തിക്കാനുദ്ദേശിച്ചാണ് ഗ്രീഷ്‌മോത്സവ ക്യാംപ് സംഘടിപ്പിക്കുന്നത്. ചെമ്മങ്കടവ് ഗവ. മാപ്പിള യു.പി. സ്‌കൂളില്‍ നടക്കുന്ന ക്യാംപ് പഞ്ചായത്ത് പ്രസിഡന്റ് സി.പി ഷാജി ഉദ്ഘാടനം ചെയ്തു. വൈസ്പ്രസിഡന്റ് കെ. രമാദേവി അധ്യക്ഷയായി.
സ്ഥിരസമിതി അധ്യക്ഷരായ എം.ടി ബഷീര്‍, കെ.എം സുബൈര്‍, സജ്‌നാമോള്‍ ആമിയന്‍, അംഗങ്ങളായ കെ. മുഹമ്മദലി, പി. അഹമ്മദ്കുട്ടി, പരി ശിവശങ്കന്‍, ജില്ലാ കോഡിനേറ്റര്‍ ഇ. കമറുദ്ദീന്‍, പഞ്ചായത്ത്തല റിസോഴ്‌സ്‌പേഴ്‌സന്‍ പി.പി അബ്ദുല്‍ നാസര്‍ സംസാരിച്ചു. പഞ്ചായത്ത് അംഗങ്ങളും ഉദ്യോഗസ്ഥരും അധ്യാപകരും ക്യാംപിന് നേതൃത്വം നല്‍കി. ക്യാംപ് ഇന്ന് സമാപിക്കും.