കൊണ്ടോട്ടി: അരിമ്പ്ര ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ തുടര്‍ച്ചയായി മൂന്നാം വര്‍ഷവും എസ്.എസ്.എല്‍.സിക്ക് 100ശതമാനം വിജയം നേടിയതിന്റെ ആഘോഷം പി.ഉബൈദുള്ള എം.എല്‍.എ ഉദ്ഘാടനം ചെയ്തു. അധ്യാപകരേയും വിദ്യാര്‍ഥികളേയും അനുമോദിച്ചു. എന്‍.ഗോപാലന്‍ മാസ്റ്റര്‍ എന്റോവ്‌മെന്റ് പി. സൈതലവി മാസ്റ്റര്‍ക്ക് സമ്മാനിച്ചു.
ഹയര്‍ സെക്കന്‍ഡറി വിഭാഗം വിദ്യാര്‍ഥികളുടെ രക്ഷിതാക്കള്‍ക്കുള്ള എസ്.എം.എസ് അലര്‍ട്ട് സിസ്റ്റത്തിന്റെ ഉദ്ഘാടനം ചടങ്ങില്‍ നടന്നു. സ്‌കൂളിലെ ക്ലാസ്‌റൂമുകള്‍ ഹൈടെക് ആക്കുന്നതിന് ഹൈസ്‌കൂള്‍ വിഭാഗം അധ്യാപകരുടേയും റിട്ടയേര്‍ഡ് അധ്യാപകരുടേയും വിഹിതം ചടങ്ങില്‍ എം.എല്‍.എ ഏറ്റുവാങ്ങി.
ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പാടന്‍ അധ്യക്ഷയായി.
മൊറയൂര്‍ പഞ്ചായത്ത് പ്രസിഡന്റ് കെ.സലീം മാസ്റ്റര്‍, മെമ്പര്‍ എന്‍.കെ ഹംസ, മലപ്പുറം ബ്ലോക്ക് പഞ്ചായത്ത് അംഗം എം.കുഞ്ഞാലന്‍കുട്ടി, ഹെഡ് മാസ്റ്റര്‍ എം.സൈതലവി, ഫാത്തിമത്ത് സുഹ്‌റ, മുഹമ്മദ് അഷ്‌റഫ്, സി.ജെ മോളി, എന്‍ മോനുദ്ദീന്‍ മാസ്റ്റര്‍, പ്രൊഫ. കെ.എം അബൂബക്കര്‍ സംസാരിച്ചു.
പി.ടി.എ പ്രസിഡന്റ് സി.അബ്ദുല്‍ റഷീദ് സ്വാഗതവും പി.വി കൃഷ്ണദാസ് നന്ദിയും പറഞ്ഞു. ടി.വി കൃഷ്ണപ്രകാശ് കരിയര്‍ ഗൈഡന്‍സ് ക്ലാസ് നല്‍കി.