വളാഞ്ചേരി: മുനിസിപ്പല്‍ പരിധിയില്‍ മോട്ടോര്‍ കോഡിനേഷന്‍ കമ്മിറ്റി ആഹ്വാനം പ്രകാരം ഇന്ന് ഹര്‍ത്താല്‍ നടക്കും.
മുനിസിപ്പല്‍ ഓഫിസില്‍ വൈകിട്ട് ആബിദ് ഹുസൈന്‍ തങ്ങള്‍ എം.എല്‍.എ യുടെ അധ്യക്ഷതയില്‍ നടന്ന ചര്‍ച്ച പരാജയപ്പെട്ട സാഹചര്യത്തില്‍ ഹര്‍ത്താലില്‍ നിന്നും പിറകോട്ടില്ലന്ന് മോട്ടോര്‍ കോഡിനേഷന്‍ കമ്മിറ്റി നേതാക്കള്‍ അറിയിച്ചു. അതേസമയം എസ്.ടി.യു ഹര്‍ത്താലില്‍നിന്ന് പിന്‍മാറിയതായി അറിയിച്ചു. ഹര്‍ത്താലുമായി ഇടതു പക്ഷ തൊഴിലാളി സഘടന മുന്നോട്ട് പോകുമെന്ന് കെ.എം ഫിറോസ് ബാബു പറഞ്ഞു.
കോഴിക്കോട് റോഡരികില്‍ വര്‍ഷങ്ങളായി പാര്‍ക്ക് ചെയ്തിരുന്ന ഓട്ടോറിക്ഷകള്‍ ട്രാഫിക്ക് റഗുലേറ്ററി കമ്മിറ്റിയുടെ തീരുമാനപ്രകാരം ഏകപക്ഷീയമായി പൊലിസ് മാറ്റിയതില്‍ പ്രതിഷേധിച്ചാണ് കഴിഞ്ഞ എട്ടു ദിവസമായി വളാഞ്ചേരിയിലെ ഓട്ടോ തൊഴിലാളികള്‍ പണിമുടക്ക് തുടങ്ങിയത്.