പെരിന്തല്‍മണ്ണ: ഇന്ത്യന്‍ മെഡിക്കല്‍ അസോസിയേഷന്റെ അക്കാദമി ഓഫ് മെഡിക്കല്‍ സ്‌പെഷാലിറ്റീസിന്റെ (ഐ.എം.എ, എ.എം.എസ്) സംസ്ഥാനസമ്മേളനം നാളെ പെരിന്തല്‍മണ്ണയില്‍ നടക്കും. രാവിലെ ഒന്‍പതിന് സംസ്ഥാന അധ്യക്ഷന്‍ ഡോ. ഇ.കെ ഉമ്മര്‍ ഉദ്ഘാടനം ചെയ്യും. ഐ.എം.എ പെരിന്തല്‍മണ്ണ ഘടകം പണികഴിപ്പിച്ച പുതിയ ആസ്ഥാന മന്ദിരത്തിലാണ് സമ്മേളനം.
ഇതോടൊപ്പമുള്ള സെമിനാറില്‍ വിവിധവിഷയങ്ങളില്‍ 15 പ്രഭാഷണങ്ങളുണ്ടാകും. ഐ.എം.എ, എ.എം.എസ് ഏര്‍പ്പെടുത്തിയ വിവിധ അവാര്‍ഡുകളുടെ വിതരണവും നടക്കും. ഡോ.പി.വി ഭാര്‍ഗവന്‍, ഡോ.ബി. നിഷ, ഡോ.മേരി ഐപ്പ്, ഡോ.ജി. ദിവ്യ, ഡോ.ആര്യശ്രീ തുടങ്ങിയവര്‍ക്കാണ് പുരസ്‌കാരം.
സംഘാടക സമിതി ചെയര്‍മാന്‍ ഡോ.ഷാജി ഗഫൂര്‍, കണ്‍വീനര്‍മാരായ ഡോ.ഷാനവാസ്, ഡോ. കെ.പി ശറഫുദ്ദീന്‍, ഡോ. ജയകൃഷ്ണന്‍, മീഡിയാ വിഭാഗം കണ്‍വീനര്‍ ഡോ. നിലാര്‍ മുഹമ്മദ് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.