കൊല്ലം: ബന്ധുവായ വയോധികയെ പീഡിപ്പിച്ച കേസില്‍ അമ്പത്തിയഞ്ചുകാരനെ കുന്നിക്കോട് പൊലിസ് അറസ്റ്റ് ചെയ്തു. കമുകുംചേരി അരുവിത്തറവീട്ടില്‍ ഭാസ്‌കരനെ(55)യാണ് പൊലിസ് പിടികൂടിയത്.

എഴുപത് വയസുള്ള വയോധികയാണ് പീഡനത്തിനിരയായത്. ഇക്കഴിഞ്ഞ ഏപ്രില്‍ 14നാണ് കേസിനാസ്പദമായ സംഭവം. സംഭവത്തിനുശേഷം വയോധിക പത്തനാപുരം ഗാന്ധിഭവനില്‍ അഭയം തേടുകയായിരുന്നു. റൂറല്‍ എസ്.പിക്ക് ലഭിച്ച പരാതിയുടെ അടിസ്ഥാനത്തില്‍ കുന്നിക്കോട് പൊലിസ് പ്രതിയെ അറസ്റ്റ് ചെയ്യുകയായിരുന്നു.
പ്രതി കുറ്റം സമ്മതിച്ചതായി പൊലിസ് പറഞ്ഞു. കുന്നിക്കോട് സര്‍ക്കിള്‍ ഇന്‍സ്‌പെക്ടര്‍ സുജിത്ത് കുമാര്‍, എസ്.ഐ ജോയ്, സിവില്‍ പൊലിസ് ഓഫിസര്‍മാരായ ബിന്ദു ലാല്‍, രാഹുല്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.