ആലുവ: റെയില്‍വേ ഗുഡ്‌സ് ഷെഡ് നിലനിര്‍ത്തി പടിഞ്ഞാറന്‍ കവാടം നിര്‍മിക്കണമെന്നാവശ്യപ്പെട്ട് തൊഴിലാളികള്‍ ശ്രദ്ധ ക്ഷണിക്കല്‍ സമ്മേളനം നടത്തി.
പങ്കജം കവലയില്‍ നടന്ന സമ്മേളനം അന്‍വര്‍ സാദത്ത് എം.എല്‍.എ ഉദ്ഘാടനം ചെയ്തു. സി.ഐ.ടി.യു ഏരിയ സെക്രട്ടറി എ.പി ഉദയകുമാര്‍ അധ്യക്ഷത വഹിച്ചു. മാധ്യമ നിരൂപകന്‍ അഡ്വ.എന്‍.ജയശങ്കര്‍ മുഖ്യപ്രഭാഷണം നടത്തി.
സി.പി.എം  ഏരിയ സെക്രട്ടറി അഡ്വ.വി.സലീം, ഐ.എന്‍.ടി.യു.സി സംസ്ഥാന സെക്രട്ടറി കെ.കെ.ജിന്നാസ്, കോണ്‍ഗ്രസ്സ് ബ്ലോക്ക് പ്രസിഡന്റ് തോപ്പില്‍ അബു, വി.പി ജോര്‍ജ്ജ്, എന്‍.കെ.ശശിധരന്‍, പി.എം ഇസ്മായില്‍ കുട്ടി, ഹനീഫ ഞറളക്കാടന്‍, ജോണ്‍സണ്‍ ഡേവിഡ്,വി.എ.മെഹബൂബ്, എം.കെ ഷംസു എന്നിവര്‍ സംസാരിച്ചു.