പാരിസ്: വനിതാ ഫുട്‌ബോള്‍ ലോകകപ്പിന് ആവേശത്തുടത്തം. ഫ്രാന്‍സും ഏഷ്യന്‍ ശക്തികളായ ദക്ഷിണ കൊറിയയും തമ്മിലുള്ള മത്സരത്തോടെയാണ് ലോകകപ്പ് ഫുട്‌ബോളിന് തുടക്കമായത്.
ഒന്‍പത് വേദികളിലായി 24 ടീമുകളാണ് ഇത്തവണ ഫ്രാന്‍സില്‍ നടക്കുന്ന ലോകകപ്പില്‍ മാറ്റുരയ്ക്കുന്നത്. മൂന്ന് തവണ കിരീടം നേടിയ നിലവിലെ ചാംപ്യന്മാരായ അമേരിക്കയ്ക്കാണ് ഇത്തവണയും മുന്‍തൂക്കം. എന്നാല്‍ പോരാട്ടം കടുപ്പിച്ച് ആതിഥേയരായ ഫ്രാന്‍സിനൊപ്പം ജപ്പാനും ബ്രസീലുമെല്ലാം ബൂട്ടണിയും. ആദ്യമായാണ് ഫ്രാന്‍സ് വനിതാ ലോകകപ്പിന് വേദിയാവുന്നത്.ബ്രസീല്‍, ജര്‍മനി, ജപ്പാന്‍, നൈജീരിയ, നോര്‍വെ, സ്വീഡന്‍, യു.എസ്.എ എന്നിവര്‍ക്ക് പുറമെ ഇത്തവണ അരങ്ങേറ്റം നടത്താനായി നാല് ടീമുകളുമു@്. ചിലി, ജമൈക്ക, സ്‌കോട്‌ലന്‍ഡ്, ദക്ഷിണാഫ്രിക്ക എന്നിവരാണ് അരങ്ങേറാന്‍ തയാറെടുക്കുന്നത്. കാനഡയില്‍ നടന്ന അവസാന ലോകകപ്പിന്റെ ഫൈനലില്‍ ജപ്പാനെ 5-2ന് തോല്‍പ്പിച്ചാണ് യു.എസ്.എ കിരീടം ചൂടിയത്. ഈ മികവ് ഇത്തവണയും ആവര്‍ത്തിക്കാനുള്ള തയാറെടുപ്പിലാണ് അമേരിക്ക. ഒരു ഗ്രൂപ്പില്‍ നാല് ടീമുകള്‍ വീതം ആറ് ഗ്രൂപ്പുകളായാണ് മത്സരം. ഗ്രൂപ്പ് എയില്‍ ഫ്രാന്‍സിനൊപ്പം നോര്‍വെ, നൈജീരിയ, ദക്ഷിണ കൊറിയ എന്നിവരാണുള്ളത്. ഗ്രൂപ്പ് ബിയില്‍ ജര്‍മനി, ചൈന, സ്‌പെയിന്‍, ദക്ഷിണാഫ്രിക്ക എന്നിവരും സിയില്‍ ഇറ്റലി, ബ്രസീല്‍, ആസ്‌ത്രേലിയ, ജെമൈക്ക എന്നിവരുമാണ്. ഗ്രൂപ്പ് ഡിയില്‍ ഇംഗ്ല@ണ്ട്, ജപ്പാന്‍, സ്‌കോട്‌ലന്‍ഡ്, അര്‍ജന്റീന-ഇയില്‍ കാനഡ, നെതര്‍ലന്‍ഡ്, ന്യൂസിലന്‍ഡ്, കാമറൂണ്‍- ഗ്രൂപ്പ് എഫില്‍ യു.സ്, സ്വീഡന്‍, തായ്‌ലന്‍ഡ്, ചിലി എന്നിവരും അണിനിരക്കും. അണ്ടര്‍ 20 ലോകകപ്പ്, കോപാ അമേരിക്ക, ക്രിക്കറ്റ് ലോകകപ്പ്, യുവേഫ നാഷന്‍സ് ലീഗ് എന്നീ പൂരങ്ങള്‍ക്കൊപ്പം വനിതാ ലോകകപ്പ് കൂടി വരുന്നതോടെ കായിക ലോകത്തിന് ഉറക്കമില്ലാത്ത രാത്രികളാകും. വൈകിട്ട് 6.30, രാത്രി 9.30, രാത്രി 12.30 എന്നീ സമയങ്ങളിലാണ് മത്സരങ്ങള്‍ നടക്കുക. സോണി നെറ്റ്‌വര്‍ക്കില്‍ തല്‍സമയം സംപ്രേഷണം ചെയ്യുന്നുണ്ട്.