ആലുവ: അന്യനാട്ടുകാരന്‍ നേടിയ ഉന്നത വിജയം നാട്ടുകാര്‍ ആഘോഷമാക്കി. എടയപ്പുറത്ത് വാടക വീട്ടില്‍ താമസിക്കുന്ന ഉത്തരാഞ്ചല്‍ സ്വദേശി ധാരാ സിങിന്റെ മകന്‍ ദിനേശ് സിങിന്റെ എസ്.എസ്.എല്‍.സി പരീക്ഷയിലെ ഉന്നത വിജയമാണ് നാട്ടുകാരുടെ വിജയമായത് .
എസ്.എസ്.എല്‍.സി പരീക്ഷഫലം വന്നു ഒരാഴ്ച കഴിഞ്ഞപ്പോഴാണ് ദിനേശ് സിങ് പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ വാര്‍ത്ത നാട്ടുകാര്‍ അറിയുന്നത്.
നേരത്തെ അറിഞ്ഞ വിജയ വാര്‍ത്ത ഈ കുടുംബം ആരോടും പറഞ്ഞിരുന്നില്ല ആലുവ സെന്റ് മേരീസ് സ്‌കൂളിലെ വിദ്യാര്‍ഥിയായിരുന്ന ദിനേശ് സിംഗിന്റെ പിതാവ് ധാരാ സിങിന്റെ കുടുംബം എടയപ്പറത്തെത്തിയിട്ട് പത്ത് വര്‍ഷമായി ബേക്കറി തൊഴില്‍ ചെയ്യുന്ന ധാരാ സിങ് മക്കളുടെ വിദ്യാഭ്യാസത്തില്‍ ഏറെ ശ്രദ്ധാലുവാണ്.
വിജയ വാര്‍ത്ത അറിഞ്ഞതോടെ വാര്‍ഡ് മെമ്പര്‍ സാഹിദ അബ്ദുല്‍ സലാമിന്റെ നേതൃത്വത്തില്‍ നാട്ടുകാരും യൂത്ത് ലീഗ് പ്രവര്‍ത്തകരും ധാരാ സിംഗിന്റെ വീട്ടിലെത്തി ദിനേശ് സിംഗിനെ ആദരിച്ചു.