ലിസ്ബണ്‍: ആവേശകരമായ സെമി ഫൈനലില്‍ ഇംഗ്ലണ്ടിനെ തറപറ്റിച്ച് ഓറഞ്ച് പട യുവേഫ നാഷന്‍സ് ലീഗിന്റെ ഫൈനലില്‍ പ്രവേശിച്ചു. കഴിഞ്ഞ ദിവസം നടന്ന രണ്ടാം സെമിയിലാണ് ഇംഗ്ലണ്ടിനെ 3-1 എന്ന സ്‌കോറിന് തകര്‍ത്ത് ഓറഞ്ച് പട ഫൈനലിലേക്ക് ടിക്കറ്റ് ഉറപ്പിച്ചത്.
ഇരു ടീമുകളും ഓരോ ഗോള്‍വീതം നേടി സമനിലയിലായതിനെ തുടര്‍ന്ന് അധികസമയത്തേക്ക് നീ@ണ്ട മത്സരത്തിലാണ് നെതര്‍ലന്‍ഡ്‌സ് വിജയം പിടിച്ചെടുത്തത്. ഫൈനലില്‍ പോര്‍ച്ചുഗല്‍ ആണ് നെതര്‍ലന്‍ഡ്‌സിന്റെ എതിരാളികള്‍.
കളിയുടെ 32-ാം മിനുട്ടില്‍ മാര്‍ക്കസ് റാഷ്‌ഫോര്‍ഡിലൂടെ ലീഡ് നേടിയ ഇംഗ്ലണ്ടണ്ട് 73-ാം മിനുട്ട്‌വരെ മുന്നിട്ടുനിന്നിരുന്നു. എന്നാല്‍, മാത്തിയാസ് ഡി ലൈറ്റ് നേടിയ ഗോളില്‍ നെതര്‍ലന്‍ഡ്‌സ് സമനില കണ്ടെ@ത്തിയതോടെ മത്സരം അധികസമയത്തേക്ക് നീണ്ടളുകയായിരുന്നു. 97-ാം മിനുട്ടില്‍ കെയ്‌ലി വാക്കറുടെ സെല്‍ഫ് ഗോളില്‍ ഇംഗ്ല@ണ്ട് പിന്നിലായി. തിരിച്ചടിക്കാന്‍ ശ്രമിക്കുന്നതിനിടെ 114-ാം മിനുട്ടില്‍ ക്വിന്‍സി പ്രോമെസ് നെതര്‍ലന്‍ഡ്‌സിനായി ഒരു ഗോള്‍കൂടി കണ്ടെ@ത്തിയതോടെ ഇംഗ്ല@ണ്ടിന്റെ പ്രതീക്ഷകള്‍ അവസാനിക്കുകയായിരുന്നു. ഇംഗ്ലണ്ടിന്റെ പ്രതിരോധ നിര വരുത്തിയ ഗുരുതരമായ പിഴവില്‍ നിന്നായിരുന്നു നെതര്‍ലന്‍ഡ്‌സിന്റെ രണ്ടാം ഗോള്‍ പിറന്നത്.
മത്സരത്തിലുടനീളം തങ്ങള്‍ തെറ്റുകള്‍ വരുത്തിയെന്ന് ഇംഗ്ല@ണ്ട് പരിശീലകന്‍ ഗരത് സൗത്ത്‌ഗേറ്റ് പറഞ്ഞു. അവസാനം വഴങ്ങിയ ര@ണ്ടുഗോളുകളും പ്രതിരോധത്തിന് പറ്റിയ പാളിച്ചകളാണെന്നും അദ്ദേഹം പറഞ്ഞു.
മൂന്നാം സ്ഥാനത്തിനുള്ള മത്സരത്തില്‍ ഇംഗ്ലണ്ട് സ്വിറ്റ്‌സര്‍ലന്‍ഡിനെ നേരിടും. നാളെ രാത്രി 12.15ന് നെതര്‍ലന്‍ഡ്‌സും പോര്‍ച്ചുഗലും തമ്മില്‍ കലാശപ്പോരാട്ടത്തില്‍ ഏറ്റുമുട്ടും.