പറവൂര്‍: വടക്കേക്കര മുസ്‌ലിം ജമാഅത്ത് മുറവന്‍തുരുത്ത് കാശിഫുല്‍ ഉലൂം മദ്‌റസ ഓഫ് ഖുര്‍ആന്‍ ആന്റ് സയന്‍സ് വാര്‍ഷികത്തിന്റെ ഭാഗമായി സംഘടിപ്പിച്ച സനദ് ദാന സമ്മേളനത്തോടനുബന്ധിച്ചുള്ള മദ്‌റസ ഫെസ്റ്റും മാനവ സംഗമവും ശ്രേദ്ധേയമായി. മാനവ സംഗമം പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്തു.
എം.എല്‍.എമാരായ വി ഡി സതീശന്‍, എസ് ശര്‍മ്മ, വി.കെ  ഇബ്രാഹിംകുഞ്, പാളയം ഇമാം വി.പി സുഹൈബ് മൗലവി, ടി.പി എം ഇബ്രാഹിം,ശ്രീമദ് ശിവസ്വരൂപാനന്ദ സ്വാമികള്‍, ഫാ: ടോം രാജേഷ്, കെ.എം അംബ്രോസ്, എം. പി പോള്‍സണ്‍ ,എന്‍ എം പിയേഴ്‌സണ്‍ തുടങ്ങിയവര്‍ സംസാരിച്ചു. വടക്കേക്കര മുസ്‌ലിം ജമാഅത്ത് പ്രസിഡന്റ് ടി എം ബാവ ഹാജി അദ്ധ്യക്ഷത വഹിച്ചു.സനദ് ദാന സമ്മേളനം മൗലാനാ മുഹമ്മദ് ഈസാഫാളില്‍ മമ്പഈ ഉദ്ഘാടനം ചെയ്തു. കാശിഫുല്‍ ഉലൂം പ്രിന്‍സിപ്പാള്‍ ഹബീബുല്ലാ ഖാസിമി അദ്ധ്യക്ഷനായിരുന്നു.