ചേര്‍ത്തല: സെവന്‍ ഹീറോസിന്റെ ആഭിമുഖ്യത്തില്‍ നടന്ന റോയി, മധു, ഹെഗല്‍ ആന്റ് ലാരി സംസ്ഥാന കബഡി ചാമ്പ്യന്‍ഷിപ്പില്‍ പുരുഷവിഭാഗത്തില്‍ കാസര്‍കോട് സ്‌പോര്‍ട്‌സ് ഹോസ്റ്റല്‍ ടീം ജേതാക്കളായി. വനിതാ വിഭാഗം കിരീടം കൊല്ലം ഡാലിയക്ക്.
കൊല്ലം സായിയുടെ വിമല്‍ മേളയിലെ മികച്ച് താരമായി. വിജയികള്‍ക്ക് നഗരസഭ ചെയര്‍മാന്‍ ഐസക് മാടവന ട്രോഫികള്‍ വിതരണം ചെയ്തു.പഴയകാല കബഡി താരങ്ങളെ ചടങ്ങില്‍ ആദരിച്ചു. സ്വാഗതസംഘം ചെയര്‍മാന്‍ മനു.സി. പുളിക്കല്‍ അധ്യക്ഷനായി.
കൗണ്‍സിലര്‍മാരായ ഡി. ജ്യോതിഷ്, മുരളി,  സംസ്ഥാന കയര്‍ മെഷിനറി മാനുഫാക്ടറിങ് കമ്പനി ചെയര്‍മാന്‍ കെ. പ്രസാദ്,  പി.രാജേഷ്, എന്‍. വി. സാനു, എസ്.ജയപാല്‍, സംഗീത് വിപിന്‍, എം. എസ്. സിജു, ഡിവൈന്‍, ബിജു, എന്നിവര്‍ പ്രസംഗിച്ചു.