കൊപ്പം: പട്ടാമ്പി ഡോ. അബേദ്കര്‍ വിമണ്‍സ് കോളജിലെ സ്റ്റുഡന്‍സ് പാലിയേറ്റീവ് യൂനിറ്റിന്റെ കീഴില്‍ കുടിവെള്ളത്തിന് ബുദ്ധിമുട്ട് അനുഭവിക്കുന്നവര്‍ക്ക് വേണ്ടി സൗജന്യകുടിവെള്ള വിതരണം ആരംഭിച്ചു.
പട്ടാമ്പിയിലേയും പരിസര പ്രദേശങ്ങളിലുമാണ് ഈ സേവനം ലഭ്യമാകുന്നത്. കുടിവെള്ള വിതരണത്തിന്റെ ഉദ്ഘാടനം കൊപ്പം പഞ്ചായത്ത് പതിനൊന്നാം വാര്‍ഡില്‍ വാര്‍ഡ് മെമ്പര്‍ ഫൗസിയ സൈതാലി നിര്‍വഹിച്ചു.
കോളജ് ചെയര്‍മാന്‍ കെ.പി ഹംസ ഹാജി അധ്യക്ഷനായി. ഡയറക്ടര്‍ ഷമീര്‍, റിയാസ് പങ്കെടുത്തു.
ജലലഭ്യതക്കനുസരിച്ച് പരമാവധി സേവനം ജനങ്ങളിലേക്ക് എത്തിക്കുമെന്ന് ഇവര്‍ അറിയിച്ചു.