പെരുമണ്ണ: പയ്യടിമേത്തല്‍ പുനത്തില്‍ ബസാറിലെ റോഡരികിലുള്ള പി.ഡബ്യു.ഡി നബറിട്ട തണല്‍ മാവിന്റെ ശിഖിരങ്ങള്‍ അനധികൃതമായി മുറിച്ച് മാറ്റി.
അരനുറ്റാണ്ടേണ്ടാളം പഴക്കമുള്ള എല്ലാം വര്‍ഷവും കായ്ക്കുന്ന മാവിന്റെ ശിഖിരമാണ് വെട്ടി മാറ്റിയത്.
പയ്യടിമേത്തലില്‍ കാന്തപുരം വിഭാഗം പുതിയതായി സ്ഥാപിച്ച മദ്‌റസയിലേക്ക് വഴിയെരുക്കുക എന്ന പേര് പറഞ്ഞാണ് ഭാരവാഹികള്‍ പൊതുസ്ഥലത്തെ തണല്‍ മാവിന്റെ ശിഖിരങ്ങള്‍ വെട്ടി മാറ്റിയത്.
മാവ് പലതവണ വെട്ടിമാറ്റാന്‍ ശ്രമിച്ചപ്പോഴും നാട്ടാക്കാരും പരിസ്ഥിതിപ്രവര്‍ത്തകരും ചേര്‍ന്ന് തടയുകയായിരുന്നു. നാട്ടാക്കാരുടെയും പരിസ്ഥിതിപ്രവര്‍ത്തകരുടെയും മുന്നറിയിപ്പുകള്‍ മറികടന്ന് മരത്തെ നശിപ്പിക്കുന്ന വിധം ശാഖ മുറിച്ചു മാറ്റിയതിനെതിരേ നടപടി ആവശ്യപ്പെട്ട് നാട്ടുക്കാരും പരിസ്ഥിതിപ്രവര്‍ത്തകരുടെയും നേതൃത്വത്തില്‍ ജനകീയ ഒപ്പ് ശേഖരണം നടത്തി നല്ലളം പൊലിസില്‍ പരാതി നല്‍കി.