വാഷിങ്ടണ്‍: വെള്ളിയാഴ്ച രാത്രി അമേരിക്കന്‍ തീരം തൊട്ട ഫ്‌ളോറന്‍സ് ചുഴലിക്കാറ്റ് നാശംവിതച്ച് നോര്‍ത്ത് കരോലിനയില്‍ ആഞ്ഞുവീശുന്നു. ഇതേത്തുടര്‍ന്നുണ്ടായ അപകടങ്ങളില്‍ അഞ്ചു പേര്‍ മരിക്കുകയും ചെയ്തു. വില്‍മിങ്ടണില്‍ വീടിനു മുകളില്‍ മരംവീണ് സ്ത്രീയും കുട്ടിയുമാണ് മരിച്ചത്.

മറ്റൊരാള്‍ ജനറേറ്റര്‍ പ്ലഗ് ചെയ്യുമ്പോഴാണ് മരിച്ചത്. മുന്നറിയിപ്പ് ലംഘിച്ച് പുറത്തുപോയ ആളാണ് മരിച്ച മറ്റൊരാള്‍.

കാറ്റിനെത്തുടര്‍ന്ന് കനത്ത പ്രളയമുണ്ടാവുകയും റോഡുകളും കെട്ടിടങ്ങളും തകരുകയും ചെയ്തു. ആയിരക്കണക്കിന് വീടുകളിലേക്കും കെട്ടിടങ്ങളിലേക്കുമുള്ള വൈദ്യുതി ബന്ധം നിലച്ചു. മരങ്ങളും വ്യാപകമായി കടപുഴകി വീഴുന്നുണ്ട്.

ഇന്ന് മുഴുവന്‍ കരോളിനയിലായിരിക്കും കാറ്റ് അടിച്ചുവീശുക. ഏതാണ്ട് 30 ഇഞ്ച് മഴയുമുണ്ടാകും.