പറ്റ്‌ന: ബിഹാറില്‍ മസ്തിഷ്‌കജ്വരം ബാധിച്ച് 14 കുട്ടികള്‍ മരിച്ചു. മുസഫര്‍പൂരിലാണ് സംഭവം. 38 പേര്‍ പല ആശുപത്രികളിലായി ചികിത്സയിലാണ്. ഇതില്‍ 14 പേരുടെ നില ഗുരുതരമാണെന്നാണ് റിപ്പോര്‍ട്ട്.

21 കുട്ടികള്‍ ശ്രീ കൃഷ്ണ മെമ്മോറിയല്‍ മെഡിക്കല്‍ കോളേജ് ആശുപത്രിയിലും 14 പേര്‍ കെജ്‌രിവാള്‍ ആശുപത്രിയിലും ചികിത്സയിലുണ്ട്. ഉയര്‍ന്ന പനിയും താഴ്ന്ന ബ്ലഡ് ഷുഗര്‍ ലെവലുമായാണ് പലരും എത്തിയതെന്ന് ആശുപത്രി അധികൃതര്‍ പറയുന്നു.

വേനല്‍ക്കാലമായതോടെ ബീഹാറില്‍ മസ്തിഷ്‌ക ജ്വരം പടര്‍ന്നുപിടിച്ചിരിക്കുകയാണ്. ദിവസം ഒമ്പതു പേരെങ്കിലും രോഗലക്ഷണങ്ങളുമായി ആശുപത്രിയിലെത്തുന്നുണ്ടെന്നാണ് അധികൃതര്‍ പറയുന്നത്. വൈറല്‍ ബാധ സംബന്ധിച്ച് പരിശോധനകള്‍ തുടരുകയാണെന്ന് അധികൃതര്‍ അറിയിച്ചു.