അത്തോളി: കുട്ടികളിലെ പഠന പെരുമാറ്റ പ്രശ്‌നങ്ങള്‍ പരിഹരിക്കാന്‍ ഭാരതീയ ചികിത്സാ വകുപ്പും ജില്ലാ പഞ്ചായത്തും സംയുക്തമായി നടപ്പിലാക്കുന്ന സ്പന്ദനം പരിപാടിയുടെ അഞ്ചാം വാര്‍ഷികം ആഘോഷിച്ചു. തലക്കുളത്തൂര്‍ സി.എം.എം സ്‌കൂളില്‍ നടന്ന ചടങ്ങ് എ.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് ആരോഗ്യം വിദ്യാഭ്യാസ സ്ഥിരം സമിതി അധ്യക്ഷന്‍ മുക്കം മുഹമ്മദ്  സുവനീര്‍ പ്രകാശനം ചെയ്തു. സംസ്ഥാന ചരക അവാര്‍ഡ് ജേതാവ് ഡോ. എന്‍. ശ്രീകുമാറിനെ ചടങ്ങില്‍ ആദരിച്ചു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി അധ്യക്ഷനായി. ചേളന്നൂര്‍ ബ്ലോക്ക് പഞ്ചായത്ത് പ്രസിഡന്റ് ഒ.പി ശോഭന, പഞ്ചായത്ത് പ്രസിഡന്റ് സി. പ്രകാശന്‍, ഇ.ടി മനോഹരന്‍, ഡോ. ഒ.കെ ശര്‍ളി, എം. ജയകൃഷ്ണന്‍, ഡോ. പി.സി ജസി, ടി. സുരേഷ്, യു. പ്രദീപ്കുമാര്‍, എം. സുഭാഷ്, എം. അശോകന്‍, വി.ടി നാസര്‍, ഡോ. ടി.കെ അനില്‍കുമാര്‍, ഷീബ, ഇ.കെ അഖ്മര്‍ സംസാരിച്ചു.