ഉദ്ഘാടനം രാവിലെ 10ന് സി.എസ്.ഐ ഹാളില്‍
എസ്.എസ്.എല്‍.സി, പ്ലസ് ടു വിജയികളെ ആദരിക്കും

കോഴിക്കോട്: സുപ്രഭാതം ദിനപത്രം ഒരുക്കുന്ന വിദ്യാഭ്യാസ പ്രദര്‍ശനത്തിന് ഇന്ന് കോഴിക്കോട്ട് തുടക്കമാവും. മാനാഞ്ചിറക്കു സമീപമുള്ള സി.എസ്.ഐ ഹാളില്‍ രാവിലെ 10ന് മേയര്‍ തോട്ടത്തില്‍ രവീന്ദ്രന്‍ ഫെസ്റ്റ് ഉദ്ഘാടനം ചെയ്യും. ഇന്നും നാളെയും നടക്കുന്ന പരിപാടിയില്‍ കേരളത്തിനകത്തും പുറത്തുമുള്ള ഇരുപതില്‍പരം പ്രമുഖ സ്ഥാപനങ്ങളുടെ സ്റ്റാളുകളുണ്ടാവും. ഫെസ്റ്റിനെത്തുന്ന വിദ്യാര്‍ഥികളില്‍നിന്ന് തിരഞ്ഞെടുക്കപ്പെടുന്നവര്‍ക്ക് വിവിധ സ്ഥാപനങ്ങള്‍ നല്‍കുന്ന സ്‌കോളര്‍ഷിപ്പ് ഓഫറുകളും ലഭിക്കും.

എസ്.എസ്.എല്‍.സി, പ്ലസ്ടു, ഡിഗ്രി പഠനത്തിനു ശേഷം അഭിരുചിക്കനുസരിച്ചുള്ള കോഴ്‌സുകള്‍ തിരഞ്ഞെടുക്കാന്‍ വിദ്യാര്‍ഥികള്‍ക്ക് പ്രദര്‍ശനത്തില്‍ അവസരം ലഭിക്കും. എന്‍ജിനീയറിങ്, മാനേജ്‌മെന്റ്, ആര്‍ട്‌സ്, സയന്‍സ്, ബിസിനസ്, അക്കൗണ്ടിങ് തുടങ്ങിയ മേഖലയിലെ മികച്ച സ്ഥാപനങ്ങള്‍ പ്രദര്‍ശന നഗരിയില്‍ സ്റ്റാളുകളൊരുക്കും. ന്യൂജനറേഷന്‍ കോഴ്‌സുകള്‍ പരിചയപ്പെടുന്ന സ്റ്റാളുകളും നഗരിയില്‍ ഉണ്ടാവും. നാളെ 11 മണിക്ക് കരിയര്‍ വിദഗ്ധന്‍ പി.എ സുധീര്‍ ക്ലാസെടുക്കും. വൈകിട്ട് നാലിന് പ്രമുഖ കരിയര്‍ വിദഗ്ധന്‍ എം.വി സകരിയ ക്ലാസെടുക്കും.

എസ്.എസ്.എല്‍.സി പരീക്ഷയില്‍ എട്ടോ അതിലധികമോ എ പ്ലസ് നേടിയവര്‍ക്കും പ്ലസ്ടു പരീക്ഷയില്‍ നാലോ അതിലധികമോ എ പ്ലസ് ലഭിച്ചവര്‍ക്കും സുപ്രഭാതം നല്‍കുന്ന സര്‍ട്ടിഫിക്കറ്റും ഉപഹാരവും നഗരിയില്‍ ലഭിക്കും. വിദ്യാര്‍ഥികള്‍ മാര്‍ക്ക് ലിസ്റ്റിന്റെ പകര്‍പ്പുമായാണ് വരേണ്ടത്. വിവരങ്ങള്‍ക്ക് 7025262666.