കോഴിക്കോട്: സംസ്ഥാന സാംസ്‌കാരിക പ്രവര്‍ത്തക ക്ഷേമനിധി ബോര്‍ഡ് പ്രവര്‍ത്തനമേഖല വിപുലീകരിക്കുന്നതിന്റെ ഭാഗമായി കോഴിക്കോട്ട് സംഘടിപ്പിച്ച സാംസ്‌കാരിക സംഗമം പുതിയറ എസ്.കെ പൊറ്റെക്കാട്ട് ഹാളില്‍ ബോര്‍ഡ് സെക്രട്ടറി ദീപ ഡി. നായര്‍ ഉദ്ഘാടനം ചെയ്തു. അര്‍ഹരായ മുഴുവന്‍ കലാ-സാംസ്‌കാരിക  പ്രവര്‍ത്തകരെയും ബോര്‍ഡിന്റെ പ്രവര്‍ത്തന പരിധിയില്‍ കൊണ്ടുവരുന്നതിനായാണ് എല്ലാ ജില്ലകളിലും സാംസ്‌കാരിക സംഗമം സംഘടിപ്പിക്കുന്നതെന്ന് അവര്‍ പറഞ്ഞു.
മോയിന്‍കുട്ടി വൈദ്യര്‍ മാപ്പിളകലാ അക്കാദമി വൈസ് ചെയര്‍മാന്‍ കെ.വി അബുട്ടി അധ്യക്ഷനായി. ക്ഷേമനിധി ബോര്‍ഡ് ഡയറക്ടര്‍ ബോര്‍ഡ് അംഗം രവീന്ദ്രന്‍ കൊടക്കാട് പദ്ധതി വിശദീകരിച്ചു.