ആലപ്പുഴ: കേന്ദ്ര നവീകരണീയ ഊര്‍ജ്ജ മന്ത്രാലയത്തിന്റെയും സംസ്ഥാന സര്‍ക്കാരിന്റെയും സംയുക്ത ആഭിമുഖ്യത്തില്‍ അനെര്‍ട്ട് ആവിഷ്‌ക്കരിച്ചു നടപ്പിലാക്കുന്ന 10,000 സൗരഗൃഹ മേല്‍ക്കൂര പദ്ധതിയില്‍ 8500 പവര്‍ പ്ലാന്റുകള്‍ സ്ഥാപിച്ച് 8.5 മെഗാവാച് ശേഷി കൈവരിച്ചു കഴിഞ്ഞു.
ഇന്ത്യയിലെ ആദ്യ വികേന്ദ്രീകൃത പദ്ധതിയും ഇതര സംസ്ഥാനങ്ങള്‍ക്ക് മാതൃകയുമായി ഈ പദ്ധതിയുടെ ലക്ഷ്യം കൈവരിക്കാനായി ബാക്കിയുള്ള 1500 പവര്‍ പ്ലാന്റുകള്‍ 31 നകം പൂര്‍ത്തീകരിക്കുക എന്ന ലക്ഷ്യത്തോടെ ജില്ലാതലത്തില്‍ സ്‌പോട് രജിസ്‌ട്രേഷന്‍ സംഘടിപ്പിക്കുന്നു.
രജിസ്‌ട്രേഷന്‍ ചെയ്യുന്ന മുന്‍ഗണന ക്രമത്തിലായിരിക്കും ഗുണഭോക്താക്കളെ തെരഞ്ഞെടുക്കുന്നത്. പ്രസ്തുത പദ്ധതി വഴി പവര്‍ പ്ലാന്റ് സ്ഥാപിക്കുന്നതിന് ഏകദേശം 2,00,000 രൂപയ്ക്കടുത്ത് മുടക്കുമുതലുള്ള പ്ലാന്റില്‍ കേന്ദ്രസര്‍ക്കാര്‍ ധനസഹായമായി 53,262 രൂപയും സംസ്ഥാന സര്‍ക്കാര്‍ ധനസഹായമായി 39,000 (ആകെ 92,262) രൂപയും  നിലവില്‍ ലഭ്യമാണ്. അനര്‍ട്ടിന്റെ ആലപ്പുഴ, ഇന്ദിരാ ജംഗ്ഷനിലുള്ള ജില്ലാ ഓഫീസില്‍ ജൂലൈ 26, 27 തീയതികളില്‍ മുന്‍ഗണനക്രമത്തില്‍ രജിസ്റ്റര്‍ ചെയ്യാവുന്നതുമാണ്.
രജിസ്റ്റര്‍ ചെയ്യാന്‍ ആഗ്രഹിക്കുന്ന ഗുണഭോക്താക്കള്‍ തിരിച്ചറിയല്‍ കാര്‍ഡിന്റെ കോപ്പിയും രജിസ്‌ട്രേഷന്‍ ഫീസ് ആയി 500 രൂപയും കൊണ്ടു വരേണ്ടതാണ്. കൂടുതല്‍ വിവരങ്ങള്‍ 0477-2235591 എന്ന നമ്പരില്‍ ബന്ധപ്പെടുക.