ചങ്ങരംകുളം/വേങ്ങര: തദ്ദേശ സ്വയംഭരണ സ്ഥാപനങ്ങളിലേക്കുള്ള ഉപതെരഞ്ഞെടുപ്പിന് ആലംകോട് പഞ്ചായത്ത് എട്ടാം വാര്‍ഡും കണ്ണമംഗലം പഞ്ചായത്ത് ഒന്നാം വാര്‍ഡും ഒരുങ്ങി. തെരഞ്ഞെടുപ്പിന്റെ പരസ്യപ്രചാരണം ഇന്നലെ സമാപിച്ചു. നാളെയാണ് വോട്ടെടുപ്പ്.
ആലംകോട് പഞ്ചായത്തിലെ ചിയ്യാനൂര്‍ ഉള്‍ക്കൊള്ളുന്ന എട്ടാംവാര്‍ഡിലും കണ്ണമംഗലം പഞ്ചായത്തിലെ ഒന്നാം വാര്‍ഡായ ചെങ്ങാനിയിലുമാണ് തെരഞ്ഞെടുപ്പ്. ആലംകോട്ട് യു.ഡി.എഫ് അംഗം മറിയക്കുട്ടി കബീറിന്റെ മരണത്തെ തുടര്‍ന്നാണ് ഉപതെരഞ്ഞെടുപ്പ് വേണ്ടിവന്നത്. ലീഗിലെ നഫീസ അബ്ദുല്‍ ഹയ്യ്, എല്‍.ഡി.എഫിലെ സരിതാ മണികണ്ഠന്‍, ബി.ജെ.പിയുടെ ദിവ്യാ അജീഷ് എന്നിവരാണ് മത്സരരംഗത്തുള്ളത്.
കണ്ണമംഗലത്തു മുസ്‌ലിംലീഗ് വനിതാ അംഗം രാജിവച്ച ഒഴിവിലേക്കാണ് തെരഞ്ഞെടുപ്പ്. യു.ഡി.എഫ് സ്ഥാനാര്‍ഥി പള്ളിയാളി ആബിദ അബ്ദുര്‍റഹ്മാന്‍, ജനകീയ മുന്നണിക്കുവേണ്ടി പ്രിയ എന്നിവര്‍ തമ്മിലാണ് പ്രധാന മത്സരം. സ്വതന്ത്ര സ്ഥാനാര്‍ഥികളായി ആബിദ അബ്ദുര്‍റസാഖ്, ആബിദ ശരത്ത്, രാധ എന്നിവരും രംഗത്തുണ്ട്. 18നാണ് വോട്ടെണ്ണല്‍.