കുന്നുംകൈ: പള്ളികള്‍ സാംസ്‌കാരിക പ്രഭവകേന്ദ്രങ്ങളാവണമെന്നും വിശ്വാസികള്‍ പ്രവാചക ചര്യകള്‍ മുറുകെ പിടിച്ച് ഉത്തമ സമൂഹത്തിന് മാതൃകയാവണമെന്നും കേരള വഖഫ് ബോര്‍ഡ് അധ്യക്ഷന്‍ പാണക്കാട് സയ്യിദ് റഷീദലി ശിഹാബ് തങ്ങള്‍. പുതുക്കി പണിയുന്ന കാക്കടവ് അരിയങ്കല്ല് മുഹ്‌യുദ്ദീന്‍ ജുമാ മസ്ജിദിന്റെ ശിലാസ്ഥാപന കര്‍മം നടത്തി പൊതു സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കെ.സി മുഹമ്മദ് കുഞ്ഞി അധ്യക്ഷനായി. സയ്യിദ് ശറഫുദ്ദീന്‍ തങ്ങള്‍ മജ്‌ലിസുന്നൂറിന് നേതൃത്വം നല്‍കി. സ്വഫ്‌വാന്‍ തങ്ങള്‍ ഏഴിമല കൂട്ടപ്രാര്‍ത്ഥനക്ക് നേതൃത്വം നല്‍കി. അബു ഫിദ അന്‍സാരി അല്‍ റഷാദി, മുഹമ്മദ് ഹനീഫ് ഫൈസി, പി.സി ഇസ്മായില്‍, യൂനുസ് ഫൈസി, ജാതിയില്‍ അസിനാര്‍, വി.പി മുത്തലിബ്, ജാബിര്‍ ഫൈസി, ടി.പി അബ്ദുള്‍ ഖരീം ഹാജി, ഖാസിം മൗലവി സംസാരിച്ചു.