പാരീസ്: ഫ്രാന്‍സിലെ ലിയോയില്‍ ഗ്രീക്ക് ഓര്‍ത്തഡോക്സ് പുരോഹിതന് നേരെ വെടിവെപ്പ്. ശനിയാഴ്ച്ച വൈകുന്നേരം നാല് മണിയോടെയാണ് ആക്രമണം ഉണ്ടായത്.

നിക്കോളോ കവലേകി (52) എന്ന പുരോഹിതനാണ് വെടിയേറ്റത്. വൈകീട്ട് ചര്‍ച്ച് അടക്കാന്‍ വന്നതായിരുന്നു അദ്ദേഹം. അടിവയറ്റില്‍ വെടിയേറ്റ പുരോഹിതനെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. ഒന്നില്‍ കൂടുതല്‍ തവണ വെടിയുതിര്‍ത്തതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.

അതിനിടെ അക്രമി എന്ന് സംശയിക്കുന്നയാള്‍ പിടിയിലായിട്ടുണ്ട്. സാക്ഷികള്‍ നല്‍കിയ മൊഴിയുടെ അടിസ്ഥാനത്തിലാണ് ഇയാളെ അറസ്റ്റ് ചെയ്തതെന്ന് നിക്കോളാസിന്‍രെ പ്രോസിക്യൂട്ടര്‍ അറിയിച്ചു. ആക്രമണത്തിന്റെ കാരണം വ്യക്തമല്ല.

പുരോഹിതന് സര്‍ജറി ആവശ്യമാണെന്ന് ലിയോ മെയര്‍ ഗ്രിഗറി മാധ്യമങ്ങളോട് പ്രതികരിച്ചു. ഫ്രഞ്ച് നഗരമായ നീസിലെ ചര്‍ച്ചില്‍ നടന്ന ആക്രമണത്തില്‍ മൂന്ന് പേര്‍ കൊല്ലപ്പെട്ടതിന് പിന്നാലെയാണ് ലിയോയില്‍ പുരോഹിതന് നേരെ ആക്രമണം ഉണ്ടായത്.
ു.