തിരുവനന്തപുരം: നടപ്പു സാമ്പത്തിക വര്‍ഷം 16,000 കോടി രൂപ വായ്പയായി വിതരണം ചെയ്യുമെന്നും ഇതില്‍ 10,000 കോടിയും കാര്‍ഷിക മേഖലയിലായിരിക്കുമെന്നും കേരള ഗ്രാമീണ്‍ ബാങ്ക് ചെയര്‍മാന്‍ കെ.വി ഷാജി വാര്‍ത്താസമ്മേളനത്തില്‍ പറഞ്ഞു.
ഗ്രാമീണ്‍ ബാങ്കിന്റെ മൊത്തം ബിസിനസ് 28,818 കോടി രൂപയായി വര്‍ധിച്ചു. നിക്ഷേപം 15,075 കോടിയും വായ്പ 13,741 കോടി രൂപയുമാണ്.
കേരളത്തിലെ ബാങ്കുകളുടെ ശരാശരി വായ്പ നിക്ഷേപ അനുപാതം 72 ശതമാനമാണെന്ന് ആയിരിക്കേ ബാങ്കിന്റേത് 91 ശതമാനമാണ്.
രാജ്യത്തെ മൊത്തം ബാങ്കുകളില്‍ ഏറ്റവും ഉയര്‍ന്ന വായ്പാ-നിക്ഷേപ അനുപാതമാണിത്. സമാഹരിക്കുന്ന നിക്ഷേപങ്ങള്‍ പൂര്‍ണമായും സംസ്ഥാനത്തിന് അകത്തു തന്നെ വായ്പയായി വിതരണംചെയ്യുന്നുണ്ടെന്നും ചെയര്‍മാന്‍ പറഞ്ഞു.
ഡയറക്ടര്‍ ബോര്‍ഡ് അംഗങ്ങളായ എം.കെ രവികൃഷ്ണ്‍, നാഗേഷ് കുമാര്‍, വി. പെഹല, കെ.ആര്‍ ബദരീനാഥ് പങ്കെടുത്തു.