തൃക്കരിപ്പൂര്‍: നാടക വേദിയില്‍ നിന്നു കൊണ്ട് കള്ളങ്ങള്‍ വിളിച്ചു പറയരുതെന്ന് പ്രശസ്ത നാടക സംവിധായകന്‍ പ്രൊഫ.ചന്ദ്രദാസ് അഭിപ്രായപ്പെട്ടു.
ഇടയിലെക്കാട്ടില്‍ കുട്ടികള്‍ക്കുള്ള അവധിക്കാല ക്യാംപ് കിലുക്കാംപെട്ടി  ഉദ്ഘാടനം ചെയ്യുകയായിരുന്നു അദ്ദേഹം.നേരു പറയുന്നതാകണം നാടകം.
ചുറ്റുപാടുകളിലെ യാഥാര്‍ത്ഥ്യങ്ങള്‍ കാണുകയും പ്രകാശിപ്പിക്കുകയും ചെയ്യുകയാണ് നാടകത്തിന്റെ ധര്‍മം. നാടകം കളിക്കുന്നതിലൂടെ കുട്ടികള്‍ നേരു പറയാന്‍ പഠിക്കുകയാണ് ചെയ്യുന്നത്.
സത്യത്തെ കണ്ടറിയുകയാണ്.കേരളത്തിലുടനീളം നാടകം തിരിച്ചു വരുന്ന അന്തരീക്ഷമാണുള്ളത്.നാടകം കാണാനും കളിപ്പിക്കാനും ധാരാളമാളുകളുണ്ടാകുന്നത് ശുഭസൂചനയാണ്. നഷ്ടപ്പെട്ടെന്നു കരുതിയ നാടക കലയെ തിരിച്ചു കിട്ടുകയാണ്.