കാട്ടാക്കട : ഗുഡ്‌സ്  ഓട്ടോയിടിച്ചു പരുക്കേറ്റയാള്‍  മെഡിക്കല്‍  ആശുപത്രിയില്‍  മരിച്ചു .അമ്പലത്തിന്‍കാല കൊറ്റമ്പള്ളി ചേമത്തല വീട്ടില്‍ അജികുമാര്‍ (39 ) ആണ് മരിച്ചത് .
ഇന്നലെ  രാവിലെ ഏഴര മണിയോടെ കാട്ടാക്കട കെ .എസ്  .എഫ്  .ഇ ക്കു സമീപത്തായിരുന്നു അപകടം. തിരുവനന്തപുരം ഭാഗത്തു നിന്ന് വാഴക്കുല കയറ്റി  വന്ന  ഓട്ടോ നടന്നു വരുകയായിരുന്ന അജികുമാറിനെ ഇടിച്ചിടുകയായിരുന്നു .
ഇടിയുടെ ആഘാതത്തില്‍ ഗുരുതര പരുക്കേറ്റ അജികുമാറിനെ ഉടന്‍ മെഡിക്കല്‍ കോളജിലെത്തിച്ചെങ്കിലും ഒമ്പതരയോടെ മരിച്ചു.
തുടര്‍നടപടികള്‍ക്കു ശേഷം  മൃതദേഹം ബന്ധുക്കള്‍ക്ക്  കൊടുത്തു. അജികുമാര്‍  ഹോട്ടല്‍ ജീവനക്കാരനായിരുന്നു. ഭാര്യ സുജാത.