എടവണ്ണപ്പാറ: ഗ്രാമം സുന്ദരം, മധുരം ജീവിതം, പ്ലാസ്റ്റിക് മാലിന്യമുക്ത വാഴക്കാട് എന്ന സന്ദേശവുമായി പഞ്ചായത്തില്‍ നടപ്പിലാക്കിയ ശുചീകരണ യജ്ഞത്തിന്റെയും സ്വച്ഛതാ ഹി സേവാ അജൈവ മാലിന്യ ശേഖരണ പഞ്ചായത്ത്തല പരിപാടിയുടെയും ഉദ്ഘാടനം ചാലിയാര്‍ തീരത്ത് പ്ലാസ്റ്റിക് അജൈവ പാഴ് വസ്തുക്കള്‍ ശേഖരിച്ച് ഇന്ത്യന്‍ റിവര്‍ നെറ്റ് വര്‍ക്ക് ദേശീയ കണ്‍വീനര്‍ കുമാര്‍ കലാനന്ദ് മണി (ഗോവ) നിര്‍വഹിച്ചു.
പഞ്ചായത്ത് വൈസ് പ്രസിഡന്റ് ജൈസല്‍ എളമരം, കോഴിക്കോട് ഗുരുവായൂരപ്പന്‍ കോളജ് മുന്‍ പ്രഫസറും പരിസ്ഥിതി പ്രവര്‍ത്തകനും, ദേശീയ വൃക്ഷമിത്ര അവാര്‍ഡ് ജേതാവുമായ ശോഭീന്ദ്രന്‍ മാസ്റ്റര്‍, പഞ്ചായത്ത് മുന്‍ പ്രസിഡന്റ് എം.പി അബ്ദുല്ല, കേരള സാംസ്‌കാരിക പരിഷത്ത് പ്രസിഡന്റ് അഡ്വ. ശരീഫ് ഉള്ളത്ത് തുടങ്ങീ തൊഴിലുറപ്പ് തൊഴിലാളികള്‍, ക്ലബ് ഭാരവാഹികള്‍, യുവജന സംഘടനാ നേതാക്കള്‍ എന്നിവര്‍ സംബന്ധിച്ചു. ശുചീകരണ യജ്ഞത്തിന്റെ ഭാഗമായി ശേഖരിച്ച മാലിന്യങ്ങള്‍ ഇന്ന് കയറ്റി അയക്കും. രാവിലെ 10.30ന് പ്രസിഡന്റ് ഹാജരുമ്മ ടീച്ചര്‍ ഫ്‌ഴാഗ് ഓഫ് ചെയ്യും.