പെരിന്തല്‍മണ്ണ: കേന്ദ്ര സര്‍ക്കാരിന്റെ 'സ്വച്ത പഖ്‌വട' പദ്ധതിയുടെ ഭാഗമായി അലീഗഢ് മലപ്പുറം കേന്ദ്രത്തില്‍ ശുചീകരണവും അനുബന്ധ പരിപാടികളും സംഘടിപ്പിച്ചു. ഈ മാസം ഒന്നുമുതലാണ് പരിപാടി തുടങ്ങിയത്.
സമാപന സംഗമത്തില്‍ അലീഗഢ് കേന്ദ്രത്തെ പ്ലാസ്റ്റിക് രഹിത കാംപസായി പെരിന്തല്‍മണ്ണ നഗരസഭാ ചെയര്‍മാന്‍ എം. മുഹമ്മദ് സലീം പ്രഖ്യാപിച്ചു. കേന്ദ്രം ഡയറക്ടര്‍ കെ.എം അബ്ദുറഷീദ് അധ്യക്ഷനായി. പദ്ധതിയുടെ ഭാഗമായി നടത്തിയ ക്വിസ് മത്സരം, പോസ്റ്റര്‍ നിര്‍മാണം, പ്രസംഗ, ശുചീകരണ മത്സരം എന്നിവയില്‍ വിജയികളായവര്‍ക്ക് ആലിപ്പറമ്പ് പഞ്ചായത്ത് പ്രസിഡന്റ് സിനി സമ്മാനങ്ങള്‍ വിതരണം ചെയ്തു. ഡോ. പി. ആലസ്സന്‍കുട്ടി പദ്ധതി വിശദീകരിച്ചു. മാനേജ്‌മെന്റ് വിദ്യാര്‍ഥികള്‍ തയാറാക്കിയ ശുചിത്വ സംബന്ധമായ ഹൃസ്യ ചിത്രവും ചടങ്ങില്‍ പ്രദര്‍ശിപ്പിച്ചു.