ആലപ്പുഴ: പ്രളയബാധിതര്‍ക്ക് ആശ്വാസമായി ഔഷധവ്യാപാരികളും. എ.കെ.സി.ഡി.എയുടെ നേതൃത്വത്തില്‍ നടന്ന സാന്ത്വനസ്പര്‍ശം പരിപാടിയില്‍ വ്യാപാരികള്‍ സമാഹരിച്ച രണ്ടുലക്ഷം രൂപയുടെ ചെക്ക് സംസ്ഥാന പ്രസിഡന്റ് എ.എന്‍ മോഹനന്‍ പൊതുമരാമത്ത് മന്ത്രി ജി. സുധാകരന് കൈമാറി. പ്രളയം അപഹരിച്ച സ്ഥാപനങ്ങളുടെ ഉടമകള്‍ക്ക് പുനര്‍നിര്‍മാണ പ്രക്രിയയുടെ ഭാഗമായി നൂറ് ഫ്രിഡ്ജുകള്‍ നൂറ് റഫ്രിജറേറ്ററുകള്‍ എന്നിവ വിതരണം ചെയ്തു. ആലപ്പുഴ ഐശ്വര്യ ഓഡിറ്റോറിയത്തില്‍ നടന്ന സമ്മേളനത്തില്‍ സംസ്ഥാന സെക്രട്ടറി തോമസ് രാജു, എ.എന്‍ മോഹന്‍, ജെ.എസ് ഷിന്‍ഡ, മുനിസിപ്പല്‍ ചെയര്‍മാന്‍ തോമസ് ജോസഫ്, ഡ്രഗ്‌സ് കണ്‍ട്രോളര്‍ രവി.എസ് മേനോന്‍, എ.ഐ.ഒ.സി.ഡി ജനറല്‍ സെക്രട്ടറി രാജീവ് സിംഗാള്‍, കെ.കെ ശെല്‍വന്‍, ഒ.എം അബ്ദുല്‍ ജലീല്‍ സംസാരിച്ചു.