തിരുവനന്തപുരം: കാലത്തിനുമുമ്പേ നടന്നു നീങ്ങിയ സ്വ്പന സ്വരൂപമായിരുന്നു മുന്‍ രാഷ്ട്രപതി ഡോ.എ.പി.ജെ.അബ്ദുല്‍കലാമെന്ന് മന്ത്രി കടകംപള്ളി സുരേന്ദ്രന്‍.
കലാമിന്റെ ഒന്നാം ചരമവാര്‍ഷികം പ്രമാണിച്ചു ഡെയില്‍വ്യൂവില്‍ ഡോ.കലാംസ്മൃതി സെന്റര്‍ ഇന്റര്‍നാഷണലിന്റെ ആഭിമുഖ്യത്തില്‍ നടന്ന അനുസ്മരണ സംഗമം ഉദ്ഘാടനം ചെയ്തു സംസാരിക്കുകയായിരുന്നു  അദ്ദേഹം.
ഡെയില്‍വ്യൂ സ്ഥാപകന്‍ ക്രിസ്തുദാസ് ചടങ്ങില്‍ അധ്യക്ഷനായി. ഐ.ബി.സതീഷ് എംഎല്‍എ,സി.ദിവാകരന്‍ എം.എല്‍.എ, ഇ.എം നജീബ്, മായാദേവി എച്ച്, വെങ്കിടേഷ് ഐ.പി.എസ്, കലാപ്രേമിി ബഷീര്‍ ബാബു, ഡോ.ഷൈജി ഡേവിഡ്, ആല്‍ഫി സി.എസ്, ബീനാ ദാസ്, പുനലൂര്‍ ഷാഫി എന്നിവര്‍ പ്രസംഗിച്ചു.
മാധ്യമപ്രവര്‍ത്തകനായ പി.മുഹമ്മദ് ഷാഫി എഡിറ്റു ചെയ്ത അറിഞ്ഞതും അറിയാത്തതുമായ കലാം എന്ന പുസ്തകം് ഐ.ജി എച്ച്.വെങ്കിടേഷിന് ആദ്യ കോപ്പി നല്‍കി പ്രകാശനം ചെയ്തു. ഞാനറിയുന്ന കലാം എന്ന വിഷയത്തെ കുറിച്ച് നടത്തിയ ഉപന്യാസ
പ്രസംഗ മത്സരങ്ങളില്‍ വിജയിച്ച വിദ്യാര്‍ത്ഥികള്‍ക്ക് മന്ത്രി സമ്മാനങ്ങളും വിതരണം ചെയ്തു.