തിരുവനന്തപുരം: പി. കേശവദേവ് പുരസ്‌കാര ദാനച്ചടങ്ങിനോടനുബന്ധിച്ച് മസ്‌കറ്റ് ഹോട്ടലില്‍ അരങ്ങേറിയ തീവ്രമാര്‍ഗേന എന്ന ആക്ഷേപഹാസ്യ നാടകം ശ്രദ്ധേയമായി.
സര്‍ക്കാര്‍ ജീവനക്കാര്‍ ഉത്തരവാദിത്വ ബോധമുള്ളവരാകണമെന്ന ലക്ഷ്യം മുന്‍നിര്‍ത്തി ഡോ. തോമസ് മാത്യു രചനയും സംവിധാനവും നിര്‍വഹിച്ച നാടകമാണ് തീവ്രമാര്‍ഗേന. ഓരോ ഫയലിനും ജീവനുണ്ട്. അതിന്റെ പുറകില്‍ ഒരു വേദനിക്കുന്ന ഹൃദയമുണ്ട് എന്ന സന്ദേശം സമകാലിക ജീവിതവുമായി ബന്ധപ്പെടുത്തി  നാടകത്തിലൂടെ അവതരിപ്പിച്ചു. ഡോ. തോമസ് മാത്യു, എ.എസ്. ജോബി, ചവറ മണിക്കുട്ടന്‍, ദിലീപ് കുമാര്‍ ദേവ്, ഡോ. സജീഷ്, ഈശ്വര്‍ പോറ്റി, കൃഷ്ണദത്ത്, ദീപു അരുണ്‍, ദേവദത്ത്, ശ്രീധരി, ഗായത്രി ഈശ്വര്‍, വൈഗ വിനു എസ്. എന്നിവര്‍ രംഗത്തെത്തി.