തലശ്ശേരി: എ.എന്‍ ഷംസീര്‍ എം.എല്‍.എല്‍ക്കെതിരേ താന്‍ മൊഴി നല്‍കിയിട്ടില്ലെന്ന മുഖ്യമന്ത്രിയുടെ പരാമര്‍ശം തെറ്റാണെന്ന് സി.ഒ.ടി നസീര്‍. മുഖ്യമന്ത്രിക്കു തെറ്റായ സന്ദേശം ആരോ നല്‍കിയതാണ്. കേസന്വേഷിക്കുന്ന സി.ഐ വിശ്വംഭരന്‍ നായരുടെ മുന്‍പാകെയാണു ഷംസീറിനെതിരേ മൊഴി നല്‍കിയത്. മൊഴിയുടെ ശരിയായ പകര്‍പ്പ് കിട്ടാന്‍ കോടതിയെ സമീപിക്കും. ഷംസീറിനെതിരേ മൊഴിനല്‍കാതെ താന്‍ മാധ്യമങ്ങളോട് ഉറപ്പിച്ചുപറയില്ല. തനിക്കുനേരെ നടന്ന ആക്രമണം ഒറ്റപ്പെട്ട സംഭവമല്ല. നിലവിലെ പൊലിസ് അന്വേഷണത്തില്‍ തൃപ്തനല്ല. കോടതിയെ സമീപിച്ച് ഉന്നത ഏജന്‍സിയെകൊണ്ട് അന്വേഷിപ്പിക്കാനുള്ള നടപടി സ്വീകരിക്കുമെന്നും നസീര്‍ സുപ്രഭാതത്തോടു വ്യക്തമാക്കി.